Arys qalasynan 10 otbasy eldiń soltústigine qonys aýdarmaq

ARYS. QazAqparat - Arys qalasynda soltústik óńirlerge qonys aýdarý máselesi boıynsha «Ashyq esik» kúnin ótti. Bul týraly QazAqparat ákimdiktiń baspasóz qyzmetine silteme jasap habarlaıdy.

«Ashyq esik» kúninde qala turǵyndaryna Pavlodar óńirinen arnaıy delegatsııany bastap kelgen Sharbaqty aýdandyq jumyspen qamtý ortalyǵynyń dırektory G.Smaılhanova jáne Galkına aýyldyq okrýginiń ákimi D.Nýrseıtov nasıhat jumystaryn júrgizdi. Atap aıtqanda, soltústik óńirlerge kóshken azamattar men otbasylarǵa memleket tarapynan kórsetiletin qoldaýlar men bos oryndar jaıy sóz etildi. Nasıhat jumystarynyń nátıjesinde Arys qalasynan 10 otbasy kóshýge nıet bildirip otyrǵandyqtaryn jetkizdi.