«Arýlar - asyl jandar, shýaq bop shashylǵandar!» - BAQ-qa sholý
***
«Keshe Aqordada Elbasy Nursultan Nazarbaev Halyqaralyq áıelder kúni merekesine oraı qazaqstandyq áıelder qaýymynyń bir top tanymal ókilderimen kezdesti. Dástúrge aınalǵan bul kezdesý «Kóktem shýaǵy» dep atalady», - dep jazady «Egemen Qazaqstan» gazeti búgingi sanynda jaryq kórgen «Arýlar - asyl jandar, shýaq bop shashylǵandar!» degen taqyryptaǵy maqalasynda. Basylymnyń atap ótýinshe, Prezıdent keıbir dinı sektalardyń áıelderdiń quqyn shektep, oqýyna, kólikpen júrýine, qyzmet etýine, t.b. ruqsat bermeıtinin synap ótken. «Bizdiń maqsatymyz basqa. Uly dala urpaqtary ár ýaqytta anasyn ardaqtaǵan, áıelderin álpeshtegen, qyzdaryn qadirlegen. Biz sol dástúrdi laıyqty jalǵastyryp, anaǵa, jarǵa, qyzǵa degen qapysyz qurmetti árqashan esten shyǵarmaımyz. Elimiz táýelsizdik alǵannan beri qazaqtyń sany 4 mln. adamǵa kóbeıdi. Jalpy sany 6 mln. adam ómirge keldi. Mundaı ósim osyndaı az ýaqytta eshqashan bolǵan joq. Bul - qazaqstandyq analardyń úlken jeńisi», - dedi Elbasy.
Osy basylymnyń jazýynsha, 2010 jylǵy Kendi Altaıdaǵy sý tasqyny 17 naýryzda oryn alǵan. Al bıyl naýryz týysymen-aq kúnniń kózi eljirep, qys boıy tynbaı jaýǵan qalyń qardyń kóbesi sógilip, qala men dalada sý aǵyl-tegil aqty. Soǵan qaraǵanda, bıyl kóktemgi sý tasqyny erte keletin túri bar. Osydan eki-úsh kún buryn Óskemenniń Chernıahovskıı kóshesindegi eki-úsh úıdiń aýlasyna sý kirip, turǵyndardy ábigerge saldy. Tasqyn qateri oblys ortalyǵynda ǵana emes, basqa óńirlerde de barynsha kúsheıe túsýde. Ulan aýdanynyń ortalyǵy Qasym Qaısenov kentindegi 4-shi shaǵynaýdannyń jeke menshik sektoryndaǵy birneshe úıdi sý basý qaýpi oryn aldy. Osyndaǵy 34-shi órt sóndirý bóliminiń 12 adamy men birneshe tehnıkasy sýdyń arnasyn basqa jaqqa buryp úlgerdi. Sýyt habarlar basqa óńirlerden de kelip túsýde. Maqala «Altaıdaǵy ahýal alańdarlyq» degen taqyryppen berilgen.
***
Kóktemniń alǵashqy aıy kelisimen arý bitken qulpyra bastaıdy. Shyndyǵynda áıel álemi sulýlyqqa toly ǵoı. Sonymen qatar qupııasy da tereńde. Biraq áıel jany neni qalaıdy? Dál osy saýalǵa «Aıqyn» gazeti jaýap berýge tyrysqan. Basylymnyń jazýynsha, «Romır» áleýmettik zertteý holdıngi 485 erkek pen 515 áıeldiń kózqarasyn bilgen kórinedi. Sonymen, suraý salýdyń nátıjesinde mynandaı jaıttar anyqtalǵan. Áıelderdiń 43 paıyzdan astamy ózderine gúl syılaǵandy táýir kóredi eken. Sonymen qatar arýlardyń 36 paıyzy 8 naýryz meıramy qarsańynda syılyqqa áshekeı zattar alǵandy unatatyndyǵyn aıtqan. Olardyń 21 paıyzy muny «óte jaqsy syı» dep baǵalaıtyn kórinedi. Al suralǵandardyń 27 paıyzy kosmetıkany qalasa, 22 paıyzy syılyqty aqshalaı alǵandy táýir kóredi eken. Alaıda óz janynan góri úıge zat alǵandy durys sanaıtyn áıelderdiń de sany ósken. Atap aıtar bolsaq, arýlardyń 18 paıyzy turmystyq jáne elektrondyq taýarlardyń úıge kelgenin qalaıdy, uıaly telefon alǵysy keletinder de bar. Tipti konfet pen shokolad (12% paıyz), as úı jabdyqtaryn (9 paıyz) qalaıtyndar da tabylady.
«Aıqyn» gazetiniń búgingi sanynda QR Parlamenti Májilisiniń depýtaty Orazkúl Asanǵazymen aradaǵy suhbat «Qazaqy otbasy - ult berekesi» degen taqyryppen berilgen. Basylym tilshisiniń barlyq saýalyna tuşymdy jaýap bergen halyq qalaýlysy: «Keńestik partııa kezinde de kóbine basshylyq qyzmetterde er-azamattar bolatyn. Meniń esimde, 1985 jyly Ortalyq komıtettiń plenýmy ótip, onda 30 paıyz áıelder basshylyq qyzmetterge tartylsyn degen sheshim qabyldanyp, sonyń arqasynda basshylyqqa kelgen edik. Ol kezde Shymkent oblysynda 22 aýdan boldy, onyń eki-úsheýinde ǵana úshinshi hatshylyqta er-azamattar qaldy da, qalǵanynyń barlyǵyna áıelderdi qoıǵan. Ákim orynbasarlary bolyp áıelder qyzmetke keldi. Biraq ákimder aýysqanda, keıbir jańadan kelgen azamattar «men óz komandama áıelderdi almaımyn» degen soń, ákimdikte qyz-kelinshekterdiń sany sırep ketti» , - deıdi.
***
«Qazaq sportynyń tarıhynda Olımpıada chempıony, tipti júldegeri bolǵan qazaq qyzy joq. Táýelsizdigimizge qol jetkizip, derbes memleket retinde bes ret qysqy Olımpıada oıyndaryna, bes márte jazǵy Olımpıada oıyndarynda qatystyq. Ókinishke qaraı, áli birde-bir qazaq qyzy Olımpıada júldesine qol jetkizgen joq», - dep jazady «Alash aınasy» gazeti búgingi sanyndaǵy «Qazaq qyzdarynan Olımpıada shyńyn qashan baǵyndyrady?» degen taqyryptaǵy maqalada. Basylymnyń atap ótýinshe, 2010 jyly tuńǵysh ret Sıngapýrda ótken jasóspirimder arasyndaǵy Olımpıada oıyndarynda aýyr atlet arýymyz Jazıra Japparqul saf altyndy óńirinde jarqyratyp, jeńis tuǵyrynyń eń bıik satysyna kóterilgen. ıAǵnı, Olımpıada chempıony atanǵan. Biraq bul - jas jetkinshekter arasyndaǵy Olımpıada.
