Arnaıy operatsııa: Atyraý oblysynda 812 keli bekire tárkilendi
«Bekire-2021» keń aýqymdy aktsııa sheńberinde 15 sáýirde Atyraý oblysy Polıtsııa departamentiniń qyzmetkerleri Atyraý qalasynyń Kókarna aýylyndaǵy saıajaılardyń birinde azamat S-ǵa tıesili jalpy salmaǵy 812 keli 247 dana bekire balyǵyn zańsyz saqtaý deregin anyqtady. Sotqa deıingi tergeý aıasynda tárkilengen balyq «Jaıyq-Atyraý» bekire balyǵyn ósirý zaýytyna tapsyryldy», - dep habarlady Ekologııa, geologııa jáne tabıǵı resýrstar mınıstrliginiń baspasóz qyzmetinen.
Jınaqtalǵan materıaldar QR Qylmystyq kodeksiniń 339-babymen (Ósimdikterdiń nemese janýarlardyń sırek kezdesetin jáne quryp ketý qaýpi bar, sondaı-aq paıdalanýǵa tyıym salynǵan túrlerin, olardyń bólikterin nemese derıvattaryn zańsyz paıdalaný) qylmystyq is qozǵaý úshin tergeý organdaryna joldandy.