Arnaıy ekonomıkalyq aımaqta saýda ortalyqtary ne istep júr — Baqytjan Bazarbek
ASTANA. KAZINFORM — Mashına jasaýdy damytýǵa arnalǵan zań jobasyn talqylaý kezinde depýtat Baqytjan Bazarbek Arnaıy ekonomıkalyq aımaqtarǵa zańsyz enip ketken jobalardyń máselesin kóterdi.
Onyń aıtýynsha, salany retteıtin zańnamanyń álsizdiginen keıbir sheteldik ınvestorlar arnaıy ekonomıkalyq aımaq qyzmetin toqtatqannan keıin salyq jeńildikterin alyp kelgen.
— Bas prokýratýra qadaǵalaý aktisi arqyly sizderge ónerkásiptik-ınnovatsııalyq salaǵa jatpaıtyn jobalardyń Indýstrııalandyrýdyń biryńǵaı kartasyna enýine tyıym salatyn norma engizýdi tapsyrǵan. Al bizde qalaı bolyp jatyr? Indýstrııalandyrýdyń biryńǵaı kartasyna qonaqúı men saýda-oıyn-saýyq ortalyǵyn salý sııaqty talapqa saı emes 8 joba enip ketken. Bas prokýratýranyń osy usynymyn oryndaýlaryńyzdy suraımyn, — dedi depýtat.
Resmı derek boıynsha, Qazaqstannyń arnaıy ekonomıkalyq aımaqtarynda 586 joba júzege asyrylyp jatyr.
