Arnaýly áleýmettik qyzmetter kórsetetin uıymdarda tamaqtaný normalary keńeıtiledi
ASTANA. KAZINFORM — Josparlanǵan ózgerister tamaqtaný salasyndaǵy zamanaýı ǵylymı usynystardy eskere otyryp, Qazaqstan taǵamtaný akademııasymen birlesip ázirlendi jáne AÁQ qamtamasyz etý salasyndaǵy zańnamany jetildirýge jáne jańartýǵa baǵyttalǵan.
Eńbek jáne halyqty áleýmettik qorǵaý mınıstrligi Arnaýly áleýmettik qyzmetter kórsetetin uıymdarda qyzmet kórsetiletin adamdardyń tabıǵı tamaqtaný normalarynyń tizbesine ózgertýler engizýdi josparlap otyr. Basqarma basshysynyń tıisti buıryǵynyń jobasy týraly aqparat «Ashyq NQA» portalynda jarııalanǵan.
— Josparlanǵan ózgerister tamaqtaný salasyndaǵy zamanaýı ǵylymı usynystardy eskere otyryp, Qazaqstan taǵamtaný akademııasymen birlesip ázirlendi jáne AÁQ qamtamasyz etý salasyndaǵy zańnamany jetildirýge jáne jańartýǵa baǵyttalǵan.
Tizimdi jańartý tamaqtaný sapasyn jaqsartady jáne AÁQ alýshylardyń densaýlyǵyn nyǵaıtýǵa oń áserin tıgizedi. Vıtamınder men mıneraldarmen baıytylǵan, sondaı-aq taǵamdyq qundylyǵy joǵary ónimderdiń alýan túrliligine erekshe nazar aýdarylady, — delingen habarlamada.
Buıryq jobasy týraly aqparat 2025 jylǵy 11 tamyzǵa deıin «Ashyq NQA» ınternet-portalynda qoǵamdyq talqylaý úshin ornalastyryldy.