Armenııanyń burynǵy prezıdentine aıyp taǵyldy
EREVAN. KAZINFORM — Armenııanyń eks-prezıdenti Serj Sargsıanǵa asa iri kólemde para alý jáne zańsyz kásipkerlik qyzmetke qatysý boıynsha aıyp taǵyldy. Qylmystyq is sotqa joldandy, dep habarlaıdy Kazinform agenttiginiń menshikti tilshisi.
Armenııa Respýblıkasynyń Sybaılas jemqorlyqqa qarsy komıtetiniń málimetinshe, Serj Sargsıan 2000–2018 jyldar aralyǵynda Qorǵanys mınıstri, Premer-mınıstr jáne el Prezıdenti qyzmetterin atqara otyryp, qyzmettik ókilettigin paıdalanyp, senimdi tulǵalar arqyly kásipkerlikpen aınalysatyn birqatar kommertsııalyq uıym qurǵan.
Aldyn ala tergeý barysynda oǵan asa iri kólemde para alý jáne zańmen tyıym salynǵan zańsyz kásipkerlik qyzmetke qatysý boıynsha resmı aıyp taǵyldy.
Qylmystyq is boıynsha tergeý aıaqtalyp, aıyptaý qorytyndysymen birge is materıaldary Armenııanyń Sybaılas jemqorlyqqa qarsy sotyna joldandy.
Buǵan deıin Armenııa premer-mınıstri Nıkol Pashınıan Armenııanyń Tergeý komıteti «Qasıetti kúres» qozǵalysynyń qatysýshylary men kóshbasshylary terrorıstik áreketter men bılikti basyp alýdy josparlaǵany týraly málimdemesine pikir bildirgen bolatyn.