Armenııada jańa temperatýralyq rekord tirkeldi

ASTANA. KAZINFORM — Senbi kúni Armenııa astanasynda meteobaqylaý tarıhyndaǵy eń joǵary aýa temperatýrasy tirkeldi. Bul týraly Kazinform agenttiginiń menshikti tilshisi Armenııa Qorshaǵan ortany qorǵaý mınıstrligine qarasty Gıdrometeorologııa jáne monıtorıng ortalyǵyna silteme jasap habarlaıdy.

Sınoptıkterdiń málimetinshe, jergilikti ýaqyt boıynsha shamamen 17:00-de Erevanda aýa temperatýrasy +41,9°C-qa jetip, 2000 jyly tirkelgen aldyńǵy rekordtan asyp tústi — sol kezde termometr +40,8°C kórsetken.

Anomaldi ystyq tek el astanasyn ǵana emes, basqa da eldi mekenderdi qamtydy. Birqatar aımaqta da tarıhı maksımýmdar jańartyldy:

Arenı – +42,6°C (aldyńǵy rekord: +40,0°C, 2011 jyl);

Artashat – +40,9°C (aldyńǵy rekord: +40,7°C, 2011 jyl);

Aparan – +33,5°C (aldyńǵy rekord: +32,2°C, 2000 jyl).

Buǵan deıin elimizdiń 17 óńirinde daýyldy eskertý jarııalanǵany habarlanǵan edi.