Armenııada Eýropalyq saıası qaýymdastyq sammıti ótedi

ASTANA.KAZINFORM - Erevanda 2026 jylǵy 4 mamyrda Eýropalyq saıası qaýymdastyqtyń (ESQ) VIII sammıti ótedi. Bul týraly Armenııa premer-mınıstri Nıkol Pashınıan Facebook paraqshasynda jazdy.

– Men Erevanǵa qatysýshy elderdiń áriptesterimdi resmı túrde shaqyrdym. Olardyń árqaısysyn qabyldaý – men úshin úlken qurmet», – dep jazdy Armenııa Úkimetiniń basshysy.

Pashınıannyń aıtýynsha, aldaǵy sammıttiń basty taqyryptarynyń biri – ózara baılanysty qamtamasyz etý bolmaq. Atap aıtqanda, Transkaspıı halyqaralyq kólik baǵytyn (Orta dáliz) júzege asyrý, sondaı-aq Eýropa, Ońtústik Kavkaz jáne Ortalyq Azııa arasyndaǵy taýar, energııa tasymaly men talshyqty-optıkalyq baılanys máseleleri talqylanady.

– Keler jyly Armenııa Bıologııalyq ártúrlilik jónindegi konventsııa taraptarynyń 17-konferentsııasyn (COP-17) qabyldaıdy. Sondyqtan biz sammıti «jasyl» ekonomıkaǵa kóshý taqyrybyn talqylaýǵa alań bolady dep kútemiz. Bul talqylaýlardyń qorytyndylary keıinnen COP-17 barysynda álemdik deńgeıde usynylady», – dedi premer-mınıstr.

Aıta keteıik, Ázerbaıjan men Armenııa Danııadaǵy kezdesýden keıin dıalogty jalǵastyrýǵa kelisken edi.