Arman Shaqqalıev — Saýda jáne ıntegratsııa mınıstri
ASTANA. KAZINFORM — Memleket basshysynyń Jarlyǵymen Arman Abaıuly Shaqqalıev Qazaqstan Respýblıkasynyń Saýda jáne ıntegratsııa mınıstri laýazymyna taǵaıyndaldy.
1977 jyly Qaraǵandy oblysynda týǵan.
L. N. Gýmılev atyndaǵy Eýrazııa ýnıversıtetin, E.A. Bóketov atyndaǵy Qaraǵandy memlekettik ýnıversıtetin, M.Dýlatov atyndaǵy Qostanaı ınjenerlik-ekonomıkalyq ýnıversıtetin bitirgen.
Eńbek jolyn 1998 jyly Astana jáne Aqmola oblysy boıynsha «Kásiporyndardy qaıta uıymdastyrý jáne taratý agenttigi» ashyq aktsıonerlik qoǵamynda zań keńesshisi bolyp bastaǵan.
2001-2004 jyldar aralyǵynda Qazaqstan Respýblıkasynyń Kásiporyndardy qaıta uıymdastyrý jáne taratý agenttiginde, Memlekettik materıaldyq rezervter jónindegi agenttiginde, Memlekettik kirister mınıstrliginde basshylyq laýazymdarda jumys istegen.
2004-2006 jyldary «Qazaqstan metrologııa ınstıtýty» RMK dırektory bolyp eńbek etken.
2006-2007 jyldary — Memlekettik kirister mınıstrliginiń Dármensiz boryshkerlermen jumys jónindegi komıteti tóraǵasynyń orynbasary.
2007-2008 jyldary Ekonomıka jáne bıýdjettik josparlaý mınıstrliginiń Memlekettik aktıvterdi basqarý saıasaty departamentiniń dırektory bolyp jumys istegen.
2008-2016 jyldar aralyǵynda «Qazaqstandyq standarttaý jáne sertıfıkattaý ınstıtýty» respýblıkalyq memlekettik kásipornynyń bas dırektory qyzmetin atqarǵan.
2016-2018 jyldary — Eýrazııalyq ekonomıkalyq komıssııanyń Tehnıkalyq retteý jáne akkredıtteý departamentiniń dırektory.
2018 jyly Qazaqstan Respýblıkasy Saýda jáne ıntegratsııa mınıstrliginiń Tehnıkalyq retteý jáne metrologııa komıtetiniń tóraǵasy laýazymyna taǵaıyndalǵan.
2020-2022 jyldary Qazaqstan Respýblıkasynan Eýrazııalyq ekonomıkalyq komıssııa alqasynyń múshesi, EEK básekelestik jáne monopolııaǵa qarsy retteý mınıstri bolǵan.
2022 jylǵy qarashadan bastap — Qazaqstan Respýblıkasy saýda jáne ıntegratsııa mınıstriniń birinshi orynbasary.
2023 jylǵy 2 qyrkúıekte Qazaqstan Respýblıkasy Prezıdentiniń Jarlyǵymen Qazaqstan Respýblıkasynyń saýda jáne ıntegratsııa mınıstri bolyp taǵaıyndaldy.
2024 jylǵy 6 aqpanda Memleket basshysynyń Jarlyǵymen Qazaqstan Respýblıkasynyń saýda jáne ıntegratsııa mınıstri bolyp taǵaıyndaldy.
