Arman Rysbek qarsylasyn nokaýtqa túsirdi

ASTANA. QazAqparat - Qazaqstandyq boksshy Arman Rysbek (2-0, 1KO) kásipqoı rıngtegi úshinshi jekpe-jegin ótkizdi, dep habarlaıdy Sports.kz.

Arman Rysbektiń qarsylasy «Chýdo» (Maravilla) degen atpen tanymal bolǵan 27 jastaǵy argentınalyq Honatan Ezekıel Agırremen boldy. Qazaqstandyq boksshy Agırreni nokdaýnǵa jiberip, keıin nokaýtqa túsirdi, osylaısha kásipqoı rıngtegi úshinshi jeńisine qol jetkizdi.

Eske salaıyq, qazaqstandyq Býenos-Aırestegi ekinshi jekpe-jeginde 27 jastaǵy argentınalyq Vıktor Leonardo Lotony (0-1-1) sýdıalardyń biraýyzdan sheshimimen jeńgen edi. 

Sondaı-aq, ol alǵashqy jekpe-jekten keıin-aq álemdik reıtıngke endi.