Arysta áskerı qyzmetshi travmatıkalyq qarýdan jaraqat aldy
TÚRKІSTAN. KAZINFORM – Arys garnızony áskerı bólimderiniń birinde kelisimshart boıynsha qyzmet atqaratyn áskerı qyzmetshi travmatıkalyq qarýdan basynan jaraqat aldy.
Oqıǵa 16 qyrkúıek kúni táýliktik kezekshilikti atqarý kezinde boldy. Shymkent garnızonynyń baspasóz qyzmeti usynǵan aqparatqa súıensek, kelisimshart boıynsha áskerı qyzmetshi otbasylyq-turmystyq janjal aıasynda óz-ózine qol jumsamaq bolǵan.
«Jaraqat alý faktisi boıynsha qylmystyq is qozǵalyp, tergeý is-sharalary júrgizilýde. Kelisimshart boıynsha áskerı qyzmetshi aýdandyq aýrýhanaǵa jetkizildi. Oǵan barlyq qajetti medıtsınalyq kómek kórsetilip jatyr. Qazirgi ýaqytta densaýlyq jaǵdaıy turaqty-aýyr dep baǵalanyp otyr. Ómirine qaýip tónip turǵan joq», - delingen aqparatta.
Eske sala keteıik, buǵan deıin birneshe aıdan beri komada jatqan sarbaz Erbaıan Muhtardyń qazirgi densaýlyq jaǵdaıy shetelge aparýǵa jaramaıtynyn jazǵan bolatynbyz.
