Argentınada sý tasqynynan qaza tapqandar sany 16-ǵa jetti

BÝENOS-AIRES. KAZINFORM – Argentına úkimeti Býenos-Aıres provıntsııasynyń ońtústigindegi sý tasqynynan 16 adam qaza tapqannan keıin úsh kúndik qaraly kún jarııalaý týraly sheshim qabyldady. Bul týraly prezıdent ákimshiliginiń baspasóz qyzmeti habarlady, dep jazady TASS.

– Prezıdent keńsesi Prezıdent Haver Mıleı juma kúni Baııa-Blanka qalasy men oǵan jaqyn aýdandarda qolaısyz aýa raıynyń saldarynan otandastarynyń qazasyna baılanysty úsh kúndik aza tutý jarııalaıtynyn habarlaıdy, - delingen habarlamada.

Baııa-Blanka mýnıtsıpalıtetiniń bıliginiń málimetinshe, búginge deıin 16 adam qaıtys bolǵan. Buǵan deıin tabıǵı apat saldarynan 10 adamnyń qaza tapqany habarlanǵan edi. Sý tasqyny kezinde joǵalyp ketken eki balany izdeý jumystary jalǵasyp jatyr. Bıliktiń málimetinshe, 963 adam evakýatsııalanǵan.

Baııa-Blanka portynda jáne onyń mańynda 7 naýryzda qatty jańbyr saldarynan sý tasqyny boldy. Birneshe saǵattyń ishinde zardap shekken aımaqqa shamamen 300 mm jaýyn-shashyn túsken, bul qala úshin tarıhı maksımým. Qalada elektr qýaty úzilgen.

Federaldy úkimet sý tasqynynan zardap shekkenderge kómektesý úshin 10 mıllıard peso (9 mıllıon dollar) bólýge ýáde berdi.