Ardagerler uıymy Qazaqstan prezıdenti saılaýyna kandıdat usyndy
Aıta keteıik, elordada «Ardagerler uıymy» respýblıkalyq qoǵamdyq birlestiginiń kezekten tys H sezi ótip jatyr. Sezge elimizdiń barlyq óńirinen 100-den astam delegat kelgen.
«Qazirgi jaǵdaıdy geosaıası ahýalǵa baılanysty qarastyratyn bolsaq, Prezıdenttiń ókilettigin 7 jylǵa deıin uzartý – durys sheshim, batyl qadam dep oılaımyn. Kezekten tys saılaý ótkizý usynysyn da qoldaımyn. Elimizdiń bolashaǵy – balalarymyz ben nemerelerimiz úshin elimizde turaqtylyq bolýy kerek», - dedi «Ardagerler uıymy» RQB Ortalyq keńesiniń tóraǵasy Baqtyqoja Іzmuhambetov sezdiń ashylýynda.
Onyń aıtýynsha, Memleket basshysy alǵa qoıǵan baǵdarlamalaryn oryndaý úshin 7 jyl – óte qolaıly kezeń, Prezıdent bastaǵan reformalardy júzege asyrýǵa jetkilikti ýaqyt.
«Qasym-Jomart Kemeluly kezekten saılaý ótkizýdi usyný arqyly el basqarýshyny tańdap alýdy daýysqa qoıyp otyr. Elimizde bilimdi, kózi ashyq, ultjandy azamattar az emes. Prezıdenttikke kandıdat bolǵysy keletinder de árqashan tabylady. Másele bılik basynda umtylýda emes, saıası salmaqta. Aldaǵy saılaý – bul jaı ǵana Prezıdentti tańdaý emes, jalpy Qazaqstannyń halyqaralyq deńgeıdegi pozıtsııasy men ishki saıasatynyń baǵyttaryn anyqtaýǵa baǵdarlanǵan saıası qadam bolmaq.
Spıker sońǵy ýaqytta Memleket basshysynyń qabyldaǵan reformalary kóptiń kóńilinen shyǵyp jatqany ótken referendýmda halyqtyń belsendi qatysqanynan baıqalatynyn jetkizdi.
«Reformanyń joly eshqashan jeńil bolǵan emes. Elimiz jańa tarıhı kezeńge qadam basyp otyr. Qasym-Jomart Kemeluly ádiletti Qazaqstandy qurý jolynda túbegeıli jáne jan-jaqty refomralardy tabysty júzege asyrý úshin jańa senim mandaty qajettigin, memleket múddesin bárinen bıik qoıatynyn jáne kezekten tys Prezıdent saılaýyna barýǵa daıyn ekenin aıtty. Prezıdent mandatynyń uzaqtyǵyn qaıta saılanýǵa tyıym salynatyn 7 jyldyq bir merzşimmen ǵana shekteýdi usyndy. Bul bolashaqta bılikti menshiktep alýdyń kez kelgen áreketiniń aldyn alady. Memleketimiz úshin mańyzdy saıası naýqanǵa biz ardagerler úlken jaýapkershilikpen qaraýymyz kerek. Qazirgi ýaqytta Prezıdent usynǵan reformalardy qoldaý elimizdiń bolashaǵy úshin asa mańyzdy», - dedi B. Іzmuhambetov.
