ArcelorMittal Frantsııadaǵy fılıaldaryn jaýyp tastamaq
ASTANA.KAZINFORM - ArcelorMittal kontserni Frantsııadaǵy eki kásiporynyn jappaq. Eger kásiporyndar jabylsa 130 jumys orny qysqarýy múmkin. Bul týraly Kazinform-nyń menshikti tilshisi habarlady.
Frantsııanyń Reıms, Denen qalalaryndaǵy óndiris oryndary qysqarmaq.
«ArcelorMittal kompanııasynyń qyzmet kórsetý ortalyqtarynyń basshylyǵy múshelerdi kompanııany qaıta qurý jáne onyń óndiristik qýatyn beıimdeý týraly habardar etý úshin jınady. Bul joba Frantsııanyń Reıms pen Denen aımaqtaryndaǵy ArcelorMittal qyzmet kórsetý ortalyqtarynyń óndiris oryndaryn jabýdy qamtıdy», - dep habarlady ArcelorMittal France.
Kompanııa qyzmetiniń málimetinshe, ArcelorMittal qyzmet kórsetý ortalyqtary jáne kásiporyndarǵa metaldar men mıneraldardy kóterme satýǵa mamandanǵan enshiles kásipornynda óndiristik belsendilik kúrt tómendegen.
Eger kásiporynda qysqaratyn bolsa Reıms pen Denendegi kásiporyndarda tıisinshe 100 jáne 30 jumys ornynyń qysqarýyna alyp kelmek..
Aıta ketsek, ArselorMıttal Dıýnkerk pen Fos-sıýr-Merdegi avtomobıl ónerkásibi men qurylys ındýstrııasyn bolatpen qamtamasyz etedi. Sonymen qatar, taǵy bir Michelin kompanııasy kólik satylymynyń tómendeýine baılanysty Vannes pen Cholettegi zaýyttaryn (1254 jumys orny) jabatynyn habarlady.
Jalpy Eýropadaǵy avtomobıl ónerkásibi quldyraýǵa ushyrap jatyr, birinshi jartyjyldyqta eýropalyq avtomobıl jabdyqtaryn jetkizýshiler arasynda 32 000 jumys ornyn qysqartý týraly aıtylyp júr. Máselen Germanııadaǵy eń iri avtokólik óndirýshi Volkswagen kompanııasynyń kirisi 64%-ǵa tómendegeni habarlandy.
