Árbir 250-shi qazaqstandyq shetelde bilim alyp jatyr

ASTANA. KAZINFORM – ıÝNESKO-nyń 2022 jylǵa arnalǵan málimetinshe, álemde 7 mln-ǵa jýyq stýdent shetelde bilim alyp jatyr, dep habarlaıdy Economy.kz.

Shetelde bilim alyp júrgen stýdentterdiń sany boıynsha álemdegi eń úzdik 15 eldiń arasynda Qytaı (1 mln-nan astam stýdent) kósh bastasa, Qazaqstan tizimniń sońynda (78 myńnan astam stýdent) tur.

Degenmen, el turǵyndarynyń shetelde oqıtyn stýdentterge qatynasyn esepteıtin bolsaq, álemdegi top-3 eldiń qataryna Sırııa, Ózbekstan jáne Qazaqstan kiredi. Qazaqstannyń árbir 250-shi turǵyny shetelde bilim alyp jatyr.

JІÓ deńgeıin taldaý kórsetkendeı, Sırııa, Nepal, Ózbekstan jáne Qazaqstannyń ekonomıkalyq kórsetkishteri tómen bolǵanyna qaramastan, bul elder óz jastaryn shetelge ozyq bilim alýǵa jiberýge tyrysyp keledi. 

Mysaly, Dúnıejúzilik banktiń 2022 jylǵy málimetinshe, Qazaqstan JІÓ deńgeıi boıynsha álemde 54-shi orynda, biraq shetelde bilim alatyn stýdentter sany jaǵynan álemdegi TOP-15 eldiń qataryna kiredi. 

* Qazaqstanda shetelde bilim alatyn stýdentter sanynyń qysqarýynyń turaqty úrdisi baıqalyp otyr. 2019-2022 jyldary olardyń sany 11 myń stýdentke, nemese 12%-dan astamǵa qysqardy; 

* Shetelde bilim alatyn stýdentter sanynyń azaıýy Qazaqstandaǵy joǵary bilimniń damyǵanyn tanytyp otyr;

* Qazaqstan JІÓ men halyq sanynyń tómendigine qaramastan, shetelde bilim alatyn stýdentter sany boıynsha álemdegi top-4 eldiń qataryna kirip otyr.

• El ishinde bilim sapasyn arttyrmaı, shetelde bilim alatyn stýdentter sanynyń odan ári qysqarýy, ásirese, Qazaqstan men Ózbekstannyń Ortalyq Azııadaǵy kóshbasshylyq úshin kúresi jaǵdaıynda el úshin joǵary sapaly kadrlardyń qaıta óndirilýine qaýip tóndirýi múmkin.

Eske salaıyq, Oqý-aǵartý mınıstri kolledjderdegi bilim sapasy nege tómen ekenin aıtty.