«Arasy barlar gúli barlarǵa «quda» túsip jatyr» - respýblıkalyq basylymdarǵa sholý
***
«Búginde el ishine jol túsip júrgende kózge jylyushyrar bir súıinishti kórinis - aýyl jasaryp keledi. Sharýashylyq basyna soqsań, mektepke kirseń, mádenıet oshaǵyna barsań, medıtsınalyq qyzmet ornyna enseń, agronom, muǵalim, kitaphanashy, dáriger jastar kezdese ketedi. Oqý bitirip, mamandyq alyp, týǵan topyraǵyna oralǵandary, eńbek qadamdaryn aýyldyq jerde bastaýdy tilek etkenderi bar - óz ortalarynyń kórki men sánin jarastyrý bárin toǵystyrǵan maqsat. Qatarlary úzilmeıdi. Bıylǵy sapty «Bolashaq búginnen bastalady» aktsııasy aıasynda Qaraǵandyda ótken kezdesýge qatysýshy joǵary oqý oryndarynyń bir top túlegi tolyqtyrdy»,-dep jazady «Egemen Qazaqstan» basylymy búgingi sanynda. Oblys jastarynyń maman retinde aýylǵa baǵyt alýy turǵysyndaǵy máseleni kótergen osy maqala «Aýylǵa asyǵa attandy» taqyrybymen shyqty.
«Ekibastuzdaǵy jańa zaýyt» atty maqalaǵa nazar salyńyz. Osy basylym jylyna qýaty 21 myń tonna taý-ken óndirisine qajet emýlsııalyq matrıtsa óndiriletin jazady. Bul jańalyq óndiristi óńirde ashylǵan jańa zaýytta qolǵa alyndy. Avstralııalyq «Orica CISMAC» kontserniniń álemniń 56 elinde zaýyttary bar. Ekibastuzda iske qosylǵan 153-shi zaýyt bolyp otyr. Ashylý rásimine qatysqan kontsernniń vıtse-prezıdenti Renaldo Marastyń aıtýynsha, «Orıka» kontserni bizdiń elimizde 10 jyldan beri jumys jasaýda. Jańa zaýyt endi óndiristik jarylǵysh zattar qataryna jatatyn emýlsııalyq matrıtsa shyǵarady. Emýlsııalyq matrıtsa - sapaly ári arzan, onyń quramyna asa qaýipti trotıl eritindisi qosylmaıdy.
***
«Alash aınasy» basylymynyń jazýynsha, dámi til úıiretin tátti baldyń densaýlyqqa paıdasynyń mol ekenin bilgenimen, qazaqstandyqtar ony óte az tutynady. Al Dúnıejúzilik densaýlyq saqtaý uıymy qantty kóp paıdalanýdyń kesirinen álemde ártúrli aýrýlar beleń alǵanyn aıtyp dabyl qaǵýda. Bizdiń elde qant dıabetimen aýyratyndar jyl sanap artyp keledi. Tyǵyryqtan shyǵar jol jalǵyz - qanttan bas tartý nemese ornyna bal tutyný. Bul másele jaıynda basylymnyń búgingi sanyndaǵy «Arasy barlar gúli barlarǵa «quda» túsip jatyr» atty maqalada tyńǵylyqty jazylǵan.
***
«Aıqyn» basylymynyń jazýynsha, osy aı bastalǵaly beri Reseıde rýbl ońbaı qulaýda. Soltústik kórshimizdiń ulttyq valıýtasy tipti meıram qarsańynda da kúrt quldyraýyn jalǵastyrǵan ( 12 maýsym «Reseı kúni»). Osylaısha, búginde RF-de 1 dollar úshin 34 rýbl suralýda. Bul valıýta eýroǵa qatysty da qatty arzandady. Soltústik kórshimizdiń ulttyq valıýtasynyń quldyraı bastaǵanyn kórip, depýtattar ózimizdiń ulttyq valıýtanyń taǵdyryna alańdaýshylyq bildirgen kórinedi. Atap aıtqanda, Ulttyq bank tóraǵasynyń orynbasary Bısenǵalı Tájııaqov teńge baǵamy quldyraıdy dep qorqý beker ekendigin aıtady. Bul týraly «Aıqyn» basylymynyń búgingi sanyndaǵy «Teńge teńselmeıdi» atty maqaladan egjeı-tegeıli bilýge bolady.
***
Qazaqstan 2012 jyldaǵy jahandyq básekege qabilettik turǵysyndaǵy jyl saıynǵy reıtıngte 4 pýnktige óziniń ustanymyn jaqsartty. Bul jaıynda básekege qabilettiliktiń halyqaralyq reıtıngterdiń monıtorıngi aıasynda Menedjmentti damytýdyń halyqaralyq ınstıtýty jarııalap otyr. Bunda Qazaqstannyń memlekettik qarjy, eńbek naryǵy, fıskaldyq saıasat jáne jumyspen qamtý kórsetkishteri reıtıngte basymdyqty deńgeıdi kórsetip otyr. Osy jaıynda «Kazahstanskaıa pravda» gazetiniń «Effektıvnost mer podtverdıl reıtıng» atty materıalynan oqı alasyzdar.
