Arap Espenbetov: Bizdiń mindet - urpaqtyń boıyna Abaı eńbekteriniń bıik taǵylymyn sińirý
«Bul – asqaq asýlarǵa nusqaıtyn, qazaqstandyqtardy tutas ulttyq ıdeıaǵa jumyldyratyn baǵdarlamalyq maqala. Adamzattyń Abaıynyń 175 jyldyq mereıtoıy – ortaq mereke. Prezıdent «Keler urpaq Abaıdyń sara jolyn jalǵaýy tıis. Bul – uly aqyn armanynyń oryndalýy. Sondyqtan biz Abaıdyń oıynan da, toıynan da taǵylym alýǵa tıispiz», – dep basty nazardy toı toılaýǵa emes, oı oılaýǵa buryp, ysyrapshylyqty, dańǵazalyqty doǵarýmyz kerektigin basa eskertti. Bizdiń mindet – Abaı murasyn nasıhattaý arqyly qazaqty álemge tanytý. Urpaqtyń boıyna Abaı eńbekteriniń bıik taǵylymyn sińirý. Abaı toıynan keıin urpaq oılanýy kerek. Toıdan qandaı úlgi-ónege kórdik, jas býynǵa uly aqynnyń tereń maǵynaly oılaryn jetkize aldyq pa? Osyndaı saýaldarǵa jaýap bere alsaq toı ǵıbraty aıqyndalmaq», - deıdi Arap Espenbetov.
Professordyń pikirinshe, Memleket basshysy qazaqtyń bitim-bolmysyn, mádenıetin Abaı arqyly tanytý jaıly súbeli oı tastady.
«Abaıdyń gýmanıstik ıdeıalary – adamzat órkenıetin baıytýdyń negizi. Prezıdent halqymyzdyń rýhanı jáne mádenı qundylyqtaryn Abaı arqyly nasıhattaý jaıly kerektigin aıtty. Rasymen de uly Abaı álemdik deńgeıdegi tulǵa desek te onyń shyǵarmalarynyń búkil dúnıejúzilik dárejede áli de keńinen tanyla qoımaýy bizdi qatty oılandyrýy kerek» - deıdi fılologııa ǵylymdarynyń doktory.
Onyń aıtýynsha, maqaladaǵy Semeı óńirine aıryqsha kóńil aýdarylýy qala jurtshylyǵyn qýanyshqa keneltkeni sózsiz.
«Semeı óńiri –Alashtyń júregi. ıAdrolyq synaqtan kóz ashpaı ańyrap qalǵanda, jahandyq jalmaýyzdan qutqarǵan Elbasyna Semeı halqynyń myń san alǵysy kúnde aıtylady. Semeı jurtshylyǵy daǵdarys keziniń ózinde berekesi qashpaı, uıymshyldyq kórsete bildi. Bul sonaý Ulylar rýhymen jalǵasyp jatqan tektiliktiń bir kórinisi bolar. Maqaladaǵy «uly Abaı men Shákárimniń, Muhtar Áýezovtiń kindik qany tamǵan óńir aıryqsha qurmetke laıyq. Osyǵan oraı shahardy áleýmettik-ekonomıkalyq turǵydan keshendi túrde damytyp, ondaǵy tarıhı-mádenı nysandardy jańa talapqa saı jańǵyrtamyz» degen joldar Semeı shaharynyń mádenı-ekonomıkalyq jaǵynan jandana, kórkeıe túsýine senimimizdi nyǵaıtty. Biz bir nársege asa mán berýimiz kerek! Abaı – bir ǵana rý, óńir ne bolmasa eldiń aqyny emes! Ol – adamzattyń Abaıy! Barshany baýyryna basqan uly tulǵanyń shyǵarmashylyǵy arqyly biz ultty uıystyryp, berekesi men dostyǵy jarasqan birtutas Qazaq eliniń yntymaǵy men birligin arttyra túsýge eseli eńbektengenimiz abzal», - deıdi Arap Espenbetov.
Eske sala ketsek, «Egemen Qazaqstan» gazetiniń búgingi sanynda QR Prezıdenti Qasym-Jomart Toqaevtyń «Abaı jáne HHІ ǵasyrdaǵy Qazaqstan» atty maqalasy jarııalanǵan bolatyn.
Avtory Talǵatjan Muhametbekuly
