Araldyń qurǵaǵan ultanyndaǵy 15 myń gektar jerge sekseýil egiledi
QYZYLORDA. KAZINFORM — Bıyl Aral teńiziniń qurǵaǵan ultanyndaǵy 100 gektar jerde fıtoorman-melıoratsııa jumysy atqarylady.
Qyzylorda oblysynyń tabıǵı resýrstar jáne tabıǵat paıdalanýdy retteý basqarmasynyń málimetine súıensek, onyń ishinde 15 myń gektar jerge sekseýil kósheti egilse, 85 myń gektar jerge galofıtti tuqymdar sebiledi.
— Oblys aýmaǵynda 7,3 mln gektar jer memlekettik orman qoryna tıesili. Onyń 3,8 mln gektary — ormandy alqaptar. Orman qorynyń sanıtarlyq jaǵdaıyn baqylaý úshin kóktem jáne kúz aılarynda 376,3 myń gektar jerge orman patologııalyq zertteý jumysy júrgiziledi, — dedi basqarma basshysynyń orynbasary Márip Akbar.
Dúnıejúzilik banktiń qaıtarymsyz qarjysy esebinen Qazaly aýdanynda sekseýil, saıaly aǵash kóshetterin daıyndaý maqsatynda 33,5 gektar aýmaqta turaqty orman tuqymbaǵy quryldy.
2021 jyly Memleket basshysynyń tapsyrmasy boıynsha 1,1 mln gektar alqapqa sekseýil egý jumystary bastaldy.