Arab jazýshysy: Ádebıet – dinnen azat, tolerantty qundylyq

NUR-SULTAN. QazAqparat – Terrorızmmen kúreste ádebıetten tıimdi qarý joq. Azııa qalamgerleriniń І forýmynda saýdııalyq jazýshy ıÝsef Ál-Mohaımıd osyndaı pikir bildirdi, dep habarlaıdy QazAqparat tilshisi.

Pushcart ádebı syılyǵynyń laýreaty ıÝsef Ál-Mohaımıd «Ádebıettiń terrorızmmen kúrestegi róli» degen taqyrypta baıandama jasady.

«Din men ádebıetti bir-birine qarsy qoıý – kóneden kele jatqan qasiret. Ótken ǵasyrda da ádebıetti tunshyqtyrýǵa talpynystar kóp boldy. Tipti tarıhta Nobel syılyǵynyń ıegerin óltirý áreketteri de tirkelgen. Arab áleminde bolǵan terrorıstik oqıǵalar ádebıetten de kórinis taýyp jatyr. Saýdııalyq aqynnyń jankeshtilikke arnap jazǵan romany ádebıettiń terrorızmge qarsy ekenin kórsetti. «Túngi kútpegen oqıǵa» sııaqty súbeli týyndylar da osy terrorızmge qarsy jazyldy. Aýǵan jazýshysy Haled Hosseını de ádebıet álemine osy saryndas shyǵarmalarymen tanyldy. Ádebıet - dinnen azat, tolerantty qundylyq», - degen arab ádebıetshisi Saýd Arabııasynda ádebıetke qalaı kóńil bólinip jatqanyn aıtty.
«Saýd Arabııasynda jazýshylar ádebıet pen jýrnalıstıkanyń damýyna kóp úles qosty. Buqaralyq aqparat quraldary men jýrnalıstıkalyq birlestikterdiń kóbi ádebıet ókilderiniń kúsh salýymen qalyptasty. Búgin arab áleminde ádebıet terrorızmge qarsy turýǵa tyrysyp jatyr. Ony oqý baǵdarlamasynan ysyryp, jyldar boıy ádebıet pen mýzykaǵa mektepte tyıym salyndy. Sonyń bárin «ıslam ádebıeti» degen shymyldyqpen búrekemeledi. Biraq shynaıy ádebıet ómir súrip jatty. Sońǵy bes jylda bizdiń ádebıette úlken alǵa jyljý bar. Tipti 2030 jylǵa arnalǵan strategııamyzda ádebıet jetekshi oryn alyp tur. Qazir romandar men povester mańyzdy únge aınaldy. Osylaısha ádebıet negatıvti, haıýandyq júıege ymyrasyz kúres jarııalap otyr. Despotızm basqaratyn álemde ınternet pen áleýmettik jeli arqyly jazýshylardyń ekinshi tynysy ashyldy. Beıbitshiliktiń jalǵyz kilti ádebıette. Ádebıet – terrorızmmen kúres jolyndaǵy eń tıimdi qural ekenin kórsetip otyr», - dedi
Eske salsaq, elordada Azııa qalamgerleriniń І forýmy ótip jatyr. Oǵan ádebıet boıynsha Nobel syılyǵynyń 3 nomınanty qatysýda. Forým barysynda ádebıet boıynsha Nobel syılyǵynyń qurlyqtyq balamasyn taǵaıyndaý usynylmaq. Forýmda sóz alǵan Ázerbaıjan jazýshysy baýyrlas memleketterge Qorqyt týraly telehıkaıa túsirýdi usyndy.