Ár merekeden keıin qaladaǵy epıdjaǵdaı órshı túsedi - Elordanyń bas sanıtar dárigeri

NUR-SULTAN. QazAqparat – Nur-Sultan qalasynyń bas memlekettik sanıtar dárigeri Sarqyt Beısenova Naýryz aıyndaǵy merekelerge baılanysty elorda jurtyna úndeý joldady, dep habarlaıdy QazAqparat tilshisi.

«Tájirıbe kórsetkendeı, ár merekeden keıin qaladaǵy epıdemıologııalyq jaǵdaı órshı túsedi. Oǵan sebep demalys kezinde karantın talaptarynyń saqtalmaýy. Sondyqtan sizderdi mereke kúnderi qarsańynda qarapaıym qaýipsizdik sharalaryn umytpaýǵa shaqyramyn. Naýryz aıyndaǵy merekeler epıdemıologııalyq jaǵdaıdyń nasharlaýyna jáne koronavırýstyq ınfektsııamen syrqattanýshylyqtyń ósýine alyp kelmeýi tıis», - S. Beısenova elorda ákimdiginde onlaın ótken baspasóz máslıhatynda.

Onyń aıtýynsha, elordadaǵy epıdjaǵdaıdyń jaqsara nemese kerisinshe nasharlaı túsýine ár turǵynnyń úlesi bar.

«Bul degenimiz biz ben sizderdiń aldyn alý sharalaryn saqtaýdaǵy jaýapkershiligimizge tikeleı baılanysty. Vaktsınatsııa almaı, áli de oılanyp júrgen adamdarǵa aıtarym, ózińizdiń jáne ózgeniń densaýlyǵy sizdiń tańdaýyńyzǵa baılanysty bolady. Durys tańdaý jasańyz», - deıdi ol.

Buǵan deıin habarlaǵanymyzdaı elordada 480 myń adam vaktsınany tolyq aldy.

Sondaı-aq, Sarqyt Beısenova Nur-Sultanda «Omıkron» jáne «Delta» shtamynyń taralýyna qatysty alańdaýshylyq tanytty.