Ár medqyzmetker kásibı mindetin atqarǵanda Joldaýdy qaperde ustaýy kerek - dáriger

ALMATY. QazAqparat - Ár medıtsınalyq qyzmetker óziniń kásibı mindetin atqarý kezinde Elbasy Joldaýyndaǵy bastamalardy qaperde ustaýy kerek. Almatydaǵy №11 emhananyń bas dárigeri, Densaýlyq saqtaý isiniń úzdigi, «Densaýlyq saqtaý isine qosqan úlesi úshin» tósbelgisiniń ıegeri Maıra Júnisova osylaı deıdi.

«Memleket basshysy Joldaýda turaqty damý arqasynda el turmysynyń jaqsaratynyna taǵy da senim uıalatty. Biz bolashaqta áli de kúrdeli mindetterdi sheshýge daıynbyz. №11 emhana ujymy Nursultan Nazarbaevtyń usynystaryn túgel qoldaımyz. Óıtkeni, memlekettiń baqýatty bolýy eń basty baılyq - adamnyń turmystyq ahýalynyń artýyna tikeleı baılanysty», - deıdi bas dáriger Maıra Júnisova.

Aıta ketý kerek, emhana ujymy Memleket basshysynyń Joldaýyn tikeleı translıatsııa arqyly tyńdady.

«Barlyǵymyz Nursultan Nazarbaevtyń aıtqanyna kýá boldyq. Halyqtyń áleýmettik jaǵdaıynyń jaqsy bolýy medıtsınalyq qyzmettiń sapasyna tikeleı baılanysty. Sondyqtan, ár medıtsınalyq qyzmetker óziniń kásibı mindetin atqarý kezinde Prezıdenttiń aıtqan bastamalaryn oryndaýǵa bar kúshin salatyn bolady. Joldaýdyń 6-baǵytynda alǵashqy medıtsınalyq-sanıtarlyq kómek júıesiniń damýy tilge tıek etildi. Bul salanyń mamandary 2019 jyldan bastap ýchaskelik dárigerler men medbıkeler eńbegine laıyqty 20% ústeme alatyn bolady. Bul qoldaý sharasy medıtsınany tsıfrlandyrý salasynda ter tógip júrgen mamandardy áleýmettik turǵydan qoldaýda úlken serpin bermek. 2020 jylǵa taman Qazaqstannyń árbir azamatynyń elektrondy tólqujaty bolady. Emhanalardyń qyzmetin qaǵazsyz formatqa kóshirýde ýchaskelik qyzmetkerler kóp úles qosqan», - deıdi M.Júnisova.

Aıta ketý kerek, emdeý mekemesiniń ujymy Memleket basshysy qoıǵan mindetterdi oryndaýǵa bar kúshin salmaq. Onyń bir kórinisi retinde elektrondy densaýlyq pasporty men «patsıent - dáriger - emhana»  baılanysyn jaqsartýǵa baǵyttalǵan mobıldi qosymshalardy ataýǵa bolady.