Ár adamnyń daýsy sheshýshi ról atqarady – Takır Balyqbaev

ALMATY. QazAqparat – Májilis jáne máslıhat depýtattaryn saılaýda ár adamnyń daýsy sheshýshi ról oınaıdy. Bul týraly Abaı atyndaǵy Qazaq ulttyq pedagogıkalyq ýnıversıtetiniń rektory, pedagogıka ǵylymdarynyń doktory Takır Balyqbaev aıtty , dep habarlaıdy QazAqparat tilshisi.

Belgili professor búgin Almatydaǵy Almagúl shaǵyn aýdanyndaǵy saılaý ýchaskesinde daýys berip shyqty.

«Búgin biz Parlament Májilisi men másıhatynyń quramyn anyqtaý úshin óz tańdaýymyzdy jasaýdamyz. Ár adamnyń daýsy sheshýshi bolady. Sondyqtan ómirimizdiń bolashaǵyn anyqtaıtyn, 5 jylda bir ótetin osyndaı saılaýlarda bir ret daýys bergenimiz qajet», - dedi Takır Balyqbaev.

Almatyda barlyǵy 581 saılaý ýchaskesi bar. Daýys berý oryndary «QR Saılaý týraly» zańynyń, Ortalyq saılaý komıssııasynyń talaptaryna saı keledi.

507 ýchaskede 2535 medıtsınalyq qyzmetker: 1014 dáriger, 1521 medbıke jumys isteıtin bolady. Odan bólek keıbir saılaý ýchaskeleriniń janynda Jedel járdem kezekshilik etetin bolady.