Aptadaǵy aýys-túıis: jańa qyzmet kimge buıyrdy
ASTANA. KAZINFORM – Osy aptada elimizdiń birqatar óńirinde ár salada jańa basshylar jumysyna kiristi.
Qazaqstan Respýblıkasy Úkimetiniń qaýlysymen Aıan Eranuly Maǵzumov Úkimet apparaty basshysynyń orynbasary qyzmetine taǵaıyndaldy.
Aıan Maǵzumov 1987 jyly Aqmola oblysynda dúnıege kelgen.
L.Gýmılev atyndaǵy Eýrazııa ulttyq ýnıversıtetin «Ekonomıst» mamandyǵy boıynsha, Sheffıld ýnıversıtetin (Ulybrıtanııa) memlekettik basqarý magıstri dárejesi boıynsha bitirgen.
Eńbek jolyn 2009 jyly bastaǵan.
2009-2011 jyldary QR Kólik jáne kommýnıkatsııa mınıstrliginiń Kóliktik baqylaý komıtetiniń sarapshysy bolyp jumys istedi.
2011-2012 jyldary — QR Kólik jáne kommýnıkatsııa mınıstrligi Avtomobıl kóligi departamentiniń bas sarapshysy.
2012-2013 jyldary QR Premer-Mınıstri Keńsesiniń Indýstrııalyq-ınnovatsııalyq damý bóliminiń bas sarapshysy qyzmetin atqardy.
2013-2018 jyldary QR Premer-Mınıstri Keńsesiniń Indýstrııalyq-ınnovatsııalyq damý bóliminiń bas konsýltanty qyzmetin atqardy.
2018 jylǵy mamyrdan bastap — QR Premer-Mınıstri Keńsesiniń Indýstrııalyq-ınnovatsııalyq damý bóliminde sektor meńgerýshisi.
2019 jylǵy sáýirden bastap — QR Premer-Mınıstri Keńsesiniń Indýstrııalyq-ınnovatsııalyq damý bóliminde bas ınspektor.
2019 jyldyń qarasha aıynan bastap — QR Premer-Mınıstri Keńsesiniń Indýstrııalyq-ınnovatsııalyq damý bólimi meńgerýshisiniń orynbasary.
2021 jylǵy qazannan bastap — QR Premer-Mınıstri Keńsesiniń Indýstrııalyq-ınnovatsııalyq damý bólimi meńgerýshisi.
2023 jylǵy aqpannan bastap — QR Úkimeti Apparatynyń Naqty sektordy jáne óńirlerdi damytý bóliminiń meńgerýshisi.
2024 jylǵy sáýirden bastap qazirgi ýaqytqa deıin — QR Úkimeti Apparatynyń Indýstrııalyq jáne ınfraqurylymdyq damý bóliminiń meńgerýshisi.
Almaty oblysy ákiminiń ókimimen jáne Prezıdent Ákimshiliginiń kelisimi boıynsha Bolat Kúreńbekov Almaty oblysy ákiminiń orynbasary qyzmetine taǵaıyndaldy.
Bolat Qaıratuly 1977 jyly týǵan, qazaq, bilimi joǵary, 2000 jyly Qazaqstan Respýblıkasy Ulttyq qaýipsizdik komıteti akademııasyn «quqyqtaný», 2019 jyly І.Jansúgirov atyndaǵy Jetisý memlekettik ýnıversıtetin «memlekettik jáne jergilikti basqarý», 2021 jyly І. Jansúgirov atyndaǵy Jetisý ýnıversıtetin «quqyqtaný» mamandyqtary boıynsha bitirgen.
Eńbek jolyn 2000 jyly Qazaqstan Respýblıkasy UQK Pavlodar oblysy boıynsha departamenti basqarmasynyń memlekettik qyzmetshilerdi tekserý jónindegi toptyń jedel ýákili bolyp bastaǵan.
Ár jyldary Qazaqstan Respýblıkasy UQK Pavlodar, Almaty oblystary, Almaty, Astana qalalary boıynsha departamentterinde, QR UQK tóraǵasy apparatynyń basshylyq laýazymdarynda qyzmet atqarǵan.
2021 jyldyń qazan aıynan Qazaqstan Respýblıkasy UQK Qostanaı oblysy boıynsha departamenti bastyǵynyń birinshi orynbasary boldy.
Aqtóbe oblysy Qarǵaly aýdanynyń ákimi qyzmetine Nurlybek Ónerbaev taǵaıyndaldy.
Aıta keteıik, Nurlybek Ónerbaev 2002 jyly Q.Jubanov atyndaǵy Aqtóbe memlekettik ýnıversıtetin ekonomıst mamandyǵy boıynsha bitirgen. 2004 jyly Qazaq gýmanıtarlyq zań ýnıversıtetin zańger mamandyǵy boıynsha támamdady. Eńbek jolyn 2002 jyly Aqtóbe qalasynyń qarjy bóliminiń materıaldyq óndiris salalary bóliminiń bas mamany bolyp bastaǵan. 2007 jyldan bastap oblystyq Qarjy departamenti naqty sektordy qarjylandyrý bóliminiń basshysy bolyp taǵaıyndaldy. 2009-2011 jyldary aralyǵynda Qarǵaly TÚKSh, jolaýshylar kóligi jáne avtomobıl joldary bóliminiń basshysy, Ekonomıka jáne bıýdjettik josparlaý bóliminiń basshysy, 2011-2013 jyldary aralyǵynda Aqtóbe oblystyq Tekserý komıssııasynyń múshesi boldy. 2013-2016 jyldary aralyǵynda «Aqbulaq» AQ vıtse prezıdenti, 2016-2021 jyldary aralyǵynda Aqtóbe oblysynyń Qarjy basqarmasy basshysynyń orynbasary bolyp, 2021 jyldan bastap qazirgi ýaqytqa deıin Aqtóbe oblystyq Qarjy basqarmasynyń basshysy qyzmetin atqardy.
Astanada QR Prezıdenti Ákimshiliginiń jáne qalalyq máslıhat depýtattarynyń kelisimi boıynsha merıtokratııa qaǵıdatyna sáıkes, Nura aýdanynyń ákimi taǵaıyndaldy.
Bul laýazymǵa 44 jastaǵy Rıshat Turdybekov kiristi.
Ol eńbek jolyn 2001 jyldan bastap «Avtolızıng Qazaqstan» JShS (Almaty qalasy) kompanııasynda bastaǵan. 2005 jyldan bastap Astana qalasynyń Almaty aýdany ákimi apparatynyń tirshilikti qamtamasyz etý bóliminiń, abattandyrý bóliminiń, óndiristik-tehnıkalyq bóliminiń bas mamany bolyp jumys istedi.
2011 jyldyń jeltoqsanynan 2019 jyldyń naýryzyna deıin Astana qalasy Saryarqa aýdany ákiminiń orynbasary boldy. Sondaı-aq, elordanyń Esil aýdany ákiminiń orynbasary qyzmetin atqardy.
2019 jyldyń qyrkúıek aıynan bastap elordanyń Baıqońyr aýdany ákiminiń orynbasary laýazymyn atqardy.
Memleket basshysynyń tapsyrmalary aıasynda Astana qalasynyń ákimi Jeńis Qasymbek aýdan men eldi mekenderdi damytý boıynsha birqatar mindet júktedi.
Aqmola oblysynyń ákimi Marat Ahmetjanov turǵyn úı – kommýnaldyq máseleler boıynsha óziniń jańa keńesshi Ánýar Kúmpekeevti tanystyrdy.
Ákimdiktiń baspasóz qyzmetiniń málimetinshe, Ánýar Qaıyrgeldiuly M.V.Lomonosov atyndaǵy Máskeý memlekettik ýnıversıtetin ekonomıka bakalavry mamandyǵy boıynsha bitirdi. 2007 jyly Bredford ýnıversıtetinde, Ulybrıtanııa, ekonomıkalyq saıasat magıstri dárejesin aldy, Qazaqstan Respýblıkasy Prezıdentiniń «Bolashaq» stıpendııasynyń túlegi.
Eńbek jolyn 2005 jylǵy qyrkúıekte Qazaqstan Respýblıkasy Densaýlyq saqtaý mınıstrligi Ekonomıka jáne qarjy departamentiniń jetekshi mamany bolyp bastady. 2007 jylǵy qazannan bastap «Qazaqstan Respýblıkasy bıotehnologııa ulttyq ortalyǵy» RMK strategııalyq damý departamentiniń dırektory, Marketıng jáne kommertsıalızatsııalaý departamentiniń dırektory bolyp qyzmet atqardy. 2008 jylǵy qyrkúıekten bastap kommertsııalyq qurylymdarda ártúrli basshy laýazymdarda jumys jasady. 2009 jylǵy jeltoqsannan bastap «TÚKSh jańǵyrtý men damytýdyń qazaqstandyq ortalyǵy» AQ departament dırektory, 2011 jylǵy shildeden basqarma múshesi – basqarýshy dırektory.
2012 jylǵy shildeden Aqmola oblysy Stepnogor qalasy ákiminiń orynbasary, 2015 jylǵy mamyrdan Stepnogor qalasynyń ákimi, 2018 jylǵy tamyzdan Pavlodar qalasynyń ákimi laýazymdaryn atqardy.
2019 jylǵy qazannan bastap «Transtelekom» AQ Basqarma tóraǵasynyń keńesshisi. 2020 jylǵy qazannan bastap qazirgi ýaqytqa deıin «Transtelekom» AQ Basqarma tóraǵasynyń orynbasary bolyp qyzmet atqardy.
