Apta ishinde elimizde bolǵan kadrlyq taǵaıyndaýlar
Ótip bara jatqan apta ishinde ortalyq jáne jergilikti memlekettik organdarda birqatar kadrlyq aýys-túıis boldy, dep habarlaıdy Kazinform.
Sonymen, Memleket basshysynyń ókimine saı, Nurdáýlet Súıindikov QR Bas prokýratýrasynyń Aktıvterdi qaıtarý jónindegi komıtetiniń tóraǵasy laýazymyna taǵaıyndaldy.
Ol eńbek jolyn 2000 jyly Shymkent qalasy prokýratýrasynyń quqyqtyq statıstıka jáne aqparat jónindegi mamany qyzmetinen bastady. Ońtústik Qazaqstan oblysy Arys aýdany prokýrorynyń aǵa kómekshisi, Shymkent qalasy prokýratýrasynyń bólim prokýrory, bólim bastyǵy qyzmetterin atqardy.
2023 jylǵy 16 qańtardan qazirge deıin Halyqaralyq-quqyqtyq yntymaqtastyq qyzmetiniń bastyǵy bolyp qyzmet etti.
Prezıdenttiń tıisti ókimimen Ǵalymjan Qoıgeldıev QR Bas prokýrorynyń orynbasary bolyp taǵaıyndaldy.
Ǵalymjan Qoıgeldıev 1980 jyly 3 qańtarda Jambyl oblysynda dúnıege kelgen. Ál-Farabı atyndaǵy qazaq ulttyq ýnıversıtetin «Halyqaralyq quqyq» mamandyǵy boıynsha bitirgen.
Ál-Farabı atyndaǵy qazaq ulttyq ýnıversıteti Zań fakýltetiniń azamattyq jáne kásipkerlik quqyq kafedrasynyń oqytýshysy, Syrtqy ister mınıstrliginiń sharýashylyq basqarmasy Konsýldyq qyzmet departamentiniń mamany, Syrtqy ister mınıstrligi apparatynyń attashesi, Qazaqstan Respýblıkasynyń Monǵolııadaǵy Elshiliginiń úshinshi, ekinshi hatshysy bolyp eńbek etken.
2022 jylǵy 16 qarashadan búginge deıin Bas Prokýror apparatynyń basshysy qyzmetin atqardy.
Sondaı-aq Qazaqstan Bas prokýrorynyń buıryǵymen Halyqaralyq-quqyqtyq yntymaqtastyq qyzmetiniń bastyǵy laýazymyna Áıbek Nurahmetov taǵaıyndaldy.
Ol eńbek jolyn 2002 jyly Astana qalasynyń prokýratýrasynda bastaǵan. Aýdan prokýratýrasynyń stajery, bólim prokýrory, prokýrordyń kómekshisi, aǵa kómekshisi laýazymdarynda jumys istedi.
2022 jyldyń qarasha aıynan bastap Bas prokýrordyń arnaıy tapsyrmalar boıynsha aǵa kómekshisi boldy.
Al Prezıdent Ákimshiliginiń jáne qala máslıhaty depýtattarynyń kelisimi boıynsha Astananyń Baıqońyr aýdanyna Talǵat Rahmanberdi ákim boldy.
T.Rahmanberdi eńbek jolyn 2004 jyly «Jambyl oblysynyń stýdentter men jastar odaǵy» jastar qoǵamdyq birlestiginde bastaǵan (Taraz qalasy). Ár jyldary «Astana qalasynyń stýdenttik qurylys jáne jastar eńbek jasaqtarynyń shtaby» qoǵamdyq birlestigin basqardy, QR Bas prokýratýra ınstıtýtynyń (Astana qalasy) qylmystyq protsestiń jáne jedel-izdestirý qyzmetiniń zańdylyǵyn qadaǵalaý boıynsha biliktilikti arttyrý bóliminde aǵa prokýror, «Astana qalasynyń jastar saıasaty máseleleri basqarmasy» MM basshysy jáne taǵy basqa qyzmetterdi atqardy.
Ol keıingi jyldary «Astana qalasynyń qoǵamdyq damý basqarmasy» MM, «Astana qalasynyń Іshki saıasat basqarmasy» MM basshysy, qala ákiminiń keńesshisi laýazymdaryn atqardy.
Buǵan qosa Aıbek Kópenov Aqtóbe oblysy Baıǵanın aýdanyna ákim bolyp taǵaıyndaldy.
Aıbek Kópenov 1985 jyly Aqtóbe oblysynda dúnıege kelgen. 2007 jyly Aqtóbe memlekettik pedagogıka ınstıtýtyn, 2020 jyly Qazaq-Orys halyqaralyq ýnıversıtetin támamdaǵan.
Eńbek jolyn 2008 jyly Aqtóbe oblysynyń balalar quqyǵyn qorǵaý departamentiniń jetekshi mamany bolyp bastaǵan. 2022 jyldyń qazan aıynan bastap búgingi kúnge deıin Aqtóbe qalasy Astana aýdanynyń ákimi laýazymyn oryndady.
Sonymen qatar Petropavl qalasy ákiminiń orynbasary bolyp Birjan Kósherbaev taǵaıyndaldy. Ol qurylys jáne jedel máselelerge jaýap beretin bolady.
Birjan Saılaýuly 1994 jyly 7 qańtarda SQO Aqqaıyń aýdany Rýblevka aýylynda dúnıege kelgen. 2016 jyly Máskeý qalasynda Ulttyq bıznes ınstıtýtyn bitirgen.
Eńbek jolyn 2013 jyly SQO boıynsha Memlekettik sáýlet-qurylys baqylaý jáne lıtsenzııalaý departamentinde zańger kómekshisi qyzmetinen bastaǵan. Osy taǵaıyndaýǵa deıin Soltústik Qazaqstan oblysy ákimdiginiń memlekettik sáýlet-qurylys baqylaý jáne lıtsenzııalaý basqarmasynyń basshysy laýazymynda jumys istedi.
Al Qanat Momynov bolsa endi Pavlodar oblystyq memlekettik satyp alý basqarmasyna basshylyq etedi.
Qanat Alǵabekuly 1990 jyly týǵan. 2012 jyly M.Saparbaev atyndaǵy Ońtústik Qazaqstan gýmanıtarlyq ınstıtýtyn «qarjy» mamandyǵy boıynsha aıaqtady.
Eńbek jolyn 2007 jyly baǵdarlamashy bolyp bastap, keıin túrli uıymdarda býhgalter bolyp jumys istedi. 2023 jyldyń mamyr aıynan osy taǵaıyndaýǵa deıin Qazaqstandyq qoǵamdyq damý ınstıtýtynyń ishki aýdıt qyzmetiniń basshysy boldy.
Shymkent qalasynyń Sáýlet, qala qurylysy jáne jer qatynastary basqarmasynyń basshysy bolyp Nurbol Júnisbekov taǵaıyndaldy.
Nurbol Ábdirahmanuly 1985 jyly 15 qyrkúıekte Saıram aýdanynda dúnıege kelgen. S.Seıfýllın atyndaǵy Qazaq agrarlyq ýnıversıteti jáne Taraz ınnovatsııalyq-gýmanıtarlyq ýnıversıtetiniń túlegi. Mamandyǵy – jer resýrstaryn basqarý jáne jerdi úılestirý ınjeneri, zańger.
Eńbek jolyn 2009 jyly Shymkent qalasynyń jer kadastry fılıalynda ınjener, jerge ornalastyrýshy bolyp bastady. Keıingi jyldary Shymkent qalasynyń Sáýlet, qala qurylysy jáne jer qatynastary basqarmasy basshysynyń orynbasary qyzmetin atqarǵan.
Munymen qatar, endi Asqar Tóleshev Túrkistan oblysy Tótenshe jaǵdaılar departamentin basqarady.
Tóleshev Dáýletbaıuly 1975 jyly Aqtóbe oblysy Aqtóbe qalasynda dúnıege kelgen. 1996 jyly Ózbekstan Respýblıkasy ІІM Tashkent joǵary órt-tehnıkalyq mektebin bitirgen. Mamandyǵy – «Órt qaýipsizdigi». Ol buryn Aqtóbe oblysy Tótenshe jaǵdaılar departamenti basshysynyń orynbasary qyzmetin atqarǵan.
Al Almaty qalasy Tótenshe jaǵdaılar departamentiniń bastyǵy bolyp polkovnık Nurlan Atyǵaev taǵaıyndaldy.
Ol 1978 jyly Kókshetaý oblysynda dúnıege kelgen. QR Tótenshe jaǵdaılar agenttiginiń Kókshetaý tehnıkalyq ınstıtýtyn bitirgen. Eńbek jolyn Soltústik Qazaqstan oblysy Memlekettik órtke qarsy qyzmetiniń Aıyrtaý aýdany № 7 órt sóndirý bóliminiń ınspektory bolyp bastady. Ár jyldary Soltústik Qazaqstan oblysynyń Tótenshe jaǵdaılar departamenti Taıynsha aýdany Tótenshe jaǵdaılar bóliminiń bastyǵy, memlekettik órt baqylaý basqarmasynyń bastyǵy, departament bastyǵynyń orynbasary laýazymynda qyzmet atqardy.
2020 jyldyń jeltoqsan aıynan 2023 jylǵy qazan aıyna deıingi aralyqta Aqmola oblysy Tótenshe jaǵdaılar departamenti bastyǵynyń orynbasary qyzmetin atqardy.
Tótenshe jaǵdaılar mınıstriniń buıryǵymen Nurlan Bekbosynov Jetisý oblysy TJD bastyǵy bolyp taǵaıyndaldy.
Nurlan Bekbosynov 1971 jyly Qaraǵandy oblysynda dúnıege kelgen. Azamattyq qorǵaý organdarynda 1993 jyldan bastap qyzmet etedi. Eńbek jolyn Jezqazǵan oblysy ІІB áskerılendirilgen órt kúzeti, Saıaq kentiniń jeke beketiniń bastyǵy qyzmetinen bastady.
2010-2023 jyldary Qaraǵandy oblysy TJ departamentiniń bólimshelerinde ártúrli basshylyq laýazymdardy atqardy. Buǵan deıin Qaraǵandy oblysy TJD bastyǵynyń orynbasary boldy.
Buǵan qosa Batys Qazaqstan oblysy ákiminiń ókimimen Jeńis Nyǵmetýllın BQO dene shynyqtyrý jáne sport basqarmasynyń basshysy bolyp taǵaıyndaldy.
Jeńis Mahambetuly 1984 jyly Batys Qazaqstan oblysy Aqjaıyq aýdanynda dúnıege kelgen.Oral eńbek jáne áleýmettik qatynastar akademııasyn «zańger», Batys Qazaqstan ınjenerlik-gýmanıtarlyq ýnıversıtetin «qarjy» mamandyqtary boıynsha bitirgen.
Eńbek jolyn 2007 jyly BQO qarjy departamentiniń operatory bolyp bastady. 2017 jyldan kúni búginge deıin BQO dene shynyqtyrý jáne sport basqarmasy basshysynyń orynbasary qyzmetin atqardy.
Abaı oblysy Baqylaý basqarmasynyń basshysy laýazymyna Shyńǵys Amanjolov taǵaıyndaldy.
Shyńǵys Nııazuly 1986 jyly 6 mamyrda Qaraǵandy oblysy Balqash qalasynda dúnıege kelgen. 2007 jyly Pavlodar memlekettik ýnıversıtetin «Qurylys» mamandyǵy boıynsha bitirgen. 2013 jyly sol ýnıversıtette «Memlekettik jáne jergilikti basqarý» mamandyǵy boıynsha oqýyn aıaqtady.
Eńbek jolyn 2007 jyly «Alıýmınıı Kazahstana» AQ Qurylys-montaj jumystary tsehynyń 3-sanattaǵy sheber-betonshysy bolyp bastady.
Osy laýazymǵa taǵaıyndalǵanǵa deıin Abaı oblysy Baqylaý basqarmasy basshysynyń orynbasary boldy.
Shyǵys Qazaqstan oblystyq qoǵamdyq damý basqarmasynyń basshysy laýazymyna Serik Jeńisov taǵaıyndaldy.
Serik Jeńisuly 1983 jyly 27 qarashada Shyǵys Qazaqstan oblysy Katonqaraǵaı aýdanynda dúnıege kelgen. 2005 jyly S.Amanjolov atyndaǵy Shyǵys Qazaqstan ýnıversıtetin «Memlekettik jáne jergilikti basqarý» mamandyǵy boıynsha, 2006 jyly atalǵan ýnıversıtettiń magıstratýrasyn «Ekonomıka» mamandyǵy boıynsha támamdaǵan.
Eńbek jolyn 2005 jyly Óskemen qalasynyń ishki saıasat bóliminde qoǵamdyq pikirdi monıtorıngteý jáne taldaý, buqaralyq saıası jumys bóliminiń jetekshi mamany bolyp bastady. Qazirgi laýazymǵa taǵaıyndalmas buryn Óskemen qalasy ákimi apparatynyń basshysy qyzmetin atqarǵan.
