Apta ishinde bolǵan kadrlyq taǵaıyndaýlar
Kazinform agenttigi ótip bara jatqan apta ishinde bolǵan kadrlyq aýys-túıistiń eń mańyzdy degenderine sholý usynady.
Bul aptada Prezıdent ókimimen Sybaılas jemqorlyqqa qarsy is-qımyl agenttigi tórǵasynyń eki birdeı orynbasary taǵaıyndaldy. Onyń biri – Ulan Sarqulov, ekinshisi – Maqsat Jebegenov.
Ulan Serikuly Sarqulov QR Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmettiń) tóraǵasynyń birinshi orynbasary bolyp taǵaıyndalýyna baılanysty burynǵy atqarǵan laýazymynan bosatyldy.
Sondaı-aq, Maqsat Myrzahanuly Jebegenov QR Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmettiń) tóraǵasynyń orynbasary laýazymyna taǵaıyndaldy.
Ulan Sarqulov 1980 jyly týǵan.
2002 jyly Reseı Federatsııasynyń Federaldyq qaýipsizdik qyzmetiniń akademııasyn – «zańger», 2008 jyly Reseı Federatsııasy Prezıdentiniń janyndaǵy Reseı memlekettik basqarý akademııasyn «memlekettik jáne mýnıtsıpaldy basqarý» mamandyqtary boıynsha bitirgen.
2004-2006 jyldary Qazaqstannyń Reseıdegi Elshiliginiń attashesi jáne úshinshi hatshysy qyzmetterin atqardy.
2006 – 2011 jyldar aralyǵynda Aqtaý qalasy ákimi apparatynda, Mańǵystaý oblysy ákimi apparatynda jumys istedi.
2013-2015 jyldar aralyǵynda QR Prezıdenti Ákimshiliginiń bólim meńgerýshisi, Parlament Apparatynyń sharýashylyq bólimi meńgerýshisiniń orynbasary boldy.
2015 – 2017 jyldary «Aqtóbe oblysynyń memlekettik satyp alýlar basqarmasy» memlekettik mekemesin basqardy, Kókshetaý qalasy ákiminiń orynbasary qyzmetin atqardy.
2022 jylǵy 21 sáýirden osy taǵaıyndaýǵa deıin QR Sybaılas jemqorlyqqa qarsy is-qımyl agenttigi (Sybaılas jemqorlyqqa qarsy qyzmet) tóraǵasynyń orynbasary boldy.
Maqsat Jebegenov QR Ulttyq qaýipsizdik komıtetiniń akademııasyn «quqyqtaný» mamandyǵy boıynsha bitirgen
2002-2022 jyldar kezeńinde ulttyq qaýipsizdik organdarynda, onyń ishinde Almaty oblysy boıynsha UQK departamentiniń túrli basshylyq laýazymdarynda qyzmet atqardy.
2022 jylǵy 24 mamyr men 28 shilde aralyǵynda Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Almaty oblysy boıynsha departamentiniń basshysy qyzmetine taǵaıyndaldy.
2022 jylǵy 28 shildeden osy taǵaıyndaýǵa deıin QR Sybaılas jemqorlyqqa qarsy is-qımyl agenttiginiń (Sybaılas jemqorlyqqa qarsy qyzmet) Jetisý oblysy boıynsha departamentiniń basshysy boldy.
Osy aptada Sý resýrstary jáne ırrıgatsııa mınıstrliginiń apparaty jasaqtala bastady. Naqty aıtsaq, áýeli Dáýren Qazantaev vedomstvonyń apparat basshysy laýazymyna taǵaıyndaldy.
Dáýren Qazantaev 1984 jyly Qyzylorda qalasynda dúnıege kelgen.
2005 jyly T. Rysqulov atyndaǵy Qazaq ekonomıkalyq ýnıversıtetin bitirdi. Prezıdenttik jastar kadr rezerviniń múshesi.
Eńbek jolyn 2005 jyly jeke qurylymdarda ınvestıtsııa jáne korporatıvtik bıznes boıynsha taldaýshy bolyp bastaǵan.
2007-2010 jyldary – QR Ekonomıka jáne bıýdjettik josparlaý mınıstrligi qurylymynda jetekshi mamannyń mindetin atqarýshy, sarapshy.
2010-2016 jyldary Jambyl jáne Pavlodar oblystary ákimdikteriniń qurylymdarynda qyzmet etken.
2016-2020 jyldary – QR energetıka mınıstriniń keńesshisi.
2020 jyldan bastap osy ýaqytqa deıin Astana qalasy tabıǵat qorǵaý departamentiniń basshysy qyzmetin atqardy.
Sonymen birge Erbolat Ibraıhanov Qazaqstan Sý resýrstary jáne ırrıgatsııa vıtse-mınıstri bolyp taǵaıyndaldy. Ol tarıftik saıasat pen qurylys máselelerine jetekshilik etpek.
Erbolat Ibraıhanov 1981 jyly Qyzylorda oblysynda dúnıege kelgen.
M.Áýezov atyndaǵy Ońtústik Qazaqstan memlekettik ýnıversıtetin, Q.A.ıAsaýı atyndaǵy Halyqaralyq qazaq-túrik ýnıversıtetin, Nottingham ýnıversıtetin jáne QR Prezıdenti janyndaǵy Memlekettik basqarý akademııasyn bitirgen.
Eńbek jolyn 2003 jyly QR Ádilet mınıstrligi Sot saraptamasy ortalyǵynyń bas ekonomısi bolyp bastaǵan.
2004 j. – QR Tabıǵı monopolııalardy retteý jáne básekelestikti qorǵaý agenttigi qurylymdarynda jetekshi mamannyń m.a., jetekshi maman.
2005-2008 jyldary – QR Indýstrııa jáne saýda mınıstrligi Básekelestikti qorǵaý komıtetiniń qurylymyndaǵy bólimde bas maman.
2008-2011 jyldary QR Básekelestikti qorǵaý agenttiginiń qurylymdarynda bas sarapshy, basqarma bastyǵy, departament dırektorynyń orynbasary, óńiraralyq ınspektsııalar bastyǵy, ınspektsııa bastyǵy bolyp jumys istedi.
2010-2016 jyldary – QR Básekelestikti qorǵaý agenttigi Tergeý departamenti dırektorynyń orynbasary.
2016-2017 jyldary – Almaty qalasynyń turǵyn úı jáne turǵyn úı ınspektsııasynyń basqarmasy basshysy orynbasarynyń m.a., orynbasary.
2018-2019 jyldary – QR UEM Tabıǵı monopolııalardy retteý, básekelestikti jáne tutynýshylardyń quqyqtaryn qorǵaý komıtetiniń Túrkistan oblysy jáne Shymkent qalasy boıynsha departamenti basshysynyń m.a.
2019 jyly QR UEM Tabıǵı monopolııalardy retteý komıtetiniń Shymkent qalasy boıynsha departamentiniń basshysy bolyp taǵaıyndaldy.
2019-2022 jyldary – QR EM Tabıǵı monopolııalardy retteý komıteti tóraǵasynyń orynbasary.
2022 jyldan bastap qazirgi ýaqytqa deıin Jambyl oblysy ákiminiń orynbasary bolyp jumys istedi.
Úkimet qaýlysymen Azat Sultanov aýyl sharýashylyǵy vıtse-mınıstri bolyp taǵaıyndaldy.
Azat Sultanov 1984 jyly Almaty qalasynda dúnıege kelgen. Qazaq memlekettik zań akademııasyn, Qazaq gýmanıtarlyq zań ýnıversıtetin, Qazaq ulttyq agrarlyq zertteý ýnıversıtetin bitirgen.
Eńbek jolyn 2006 jyly jeke menshik kompanııada zańger bolyp bastaǵan.
2007-2010 jyldary – QR Qarjy mınıstrligi Memlekettik múlik jáne jekeshelendirý komıteti Zań basqarmasynyń jetekshi mamany, sarapshysy.
2010 jyly QR AShM AÓK Innovatsııalyq saıasat jáne joǵary bilim basqarmasynyń bas sarapshysy bolyp jumys istedi.
2010-2012 jyldary – QR aýyl sharýashylyǵy mınıstriniń kómekshisi.
2012-2014 jyldary – QR AShM Kadr jáne ákimshilik qamtamasyz etý departamenti dırektorynyń orynbasary.
2014-2015 jyldary – QR AShM Investıtsııalyq saıasat jáne qarjy quraldary departamenti dırektorynyń orynbasary, dırektory.
2015-2016 jyldary – QR AShM Halyqaralyq yntymaqtastyq jáne ekonomıkalyq ıntegratsııa departamentiniń dırektory.
2016-2017 jyldary – QR AShM Tamaq qaýipsizdigi departamenti dırektorynyń orynbasary.
2017-2018 jyldary – QR AShM Ǵylymı-tehnologııalyq jáne tehnıkalyq saıasat departamentiniń dırektory.
2018-2021 jyldary – QR AShM Eginshilik sharýashylyǵy ónimderin óndirý jáne qaıta óńdeý departamentiniń dırektory.
2021 jyldan 2023 jylǵa deıin QR AShM Eginshilik sharýashylyǵy departamentiniń dırektory qyzmetin atqardy.
Ulttyq ekonomıka mınıstrliginde de taǵaıyndaý tirkeldi. Memleket mindettemelerin basqarý jáne qarjy sektoryn damytý saıasaty departamentiniń dırektory bolyp Mahanbet Myńbaev taǵaıyndaldy.
Mahanbet Baqytjanuly Myńbaev 1990 jyly dúnıege kelgen.
L.N. Gýmılev atyndaǵy Eýrazııalyq ulttyq ýnıversıtetin 2012 jyly bitirdi. Sondaı-aq Turan-Astana ýnıversıtetinde bilim alǵan.
Eńbek jolyn Astana qalasy Kásipodaqtar keńesiniń mamany bolyp bastady.
2013-2014 j.j. - «Nur Otan» partııasynyń Astana qalalyq fılıalynda konsýltant bolyp istedi.
2014-2015 j.j. - QR Tutynýshylardyń quqyqtaryn qorǵaý agenttiginiń Baqylaý-qadaǵalaý qyzmetin josparlaý jáne uıymdastyrý basqarmasynyń sarapshysy, Tutynýshylar quqyǵyn qorǵaý komıteti zań qyzmeti basqarmasynyń sarapshysy.
2015-2018 j.j. - QR Ulttyq ekonomıka mınıstrligi Zań departamentiniń sarapshysy, bas sarapshysy.
2018-2020 j.j. - QR Densaýlyq saqtaý mınıstrligi Zań departamentiniń Quqyqtyq saraptama basqarmasynyń basshysy.
2020-2023 j.j. - QR Ulttyq ekonomıka mınıstrligi Kásipkerlikti damytý departamentiniń Retteýshilik saıasat basqarmasynyń basshysy, Kásipkerlikti damytý saıasaty departamenti dırektorynyń orynbasary.
Al Abaı oblysynyda ákimniń birinshi orynbasary taǵaıyndaldy. Bul qyzmet Shalqar Baıbekke senip tapsyrylyp otyr.
Shalqar Zamanbekuly 1967 jyly qazirgi Abaı oblysy Abaı aýdanynda dúnıege kelgen.
1996 jyly Qazaqstan memlekettik basqarý Akademııasynda «ekonomıst» mamandyǵyn, keıin Qazaqstan memlekettik zań Akademııasyn «zańger» mamandyǵy boıynsha támamdaǵan.
Eńbek jolyn 1988 jyly burynǵy Semeı oblysy Jańasemeı aýdandyq Memlekettik saqtandyrý ınspektsııasynyń aǵa ınspektory bolyp bastady.
1988-1999 jyldary Semeı qalasy jáne Semeı oblysy boıynsha salyq ınspektsııasynyń bas memlekettik ınspektory, bólim bastyǵy, Salyq ınspektsııasynyń birinshi orynbasary, 1999-2014 jyldary Pavlodar qalasy boıynsha Salyq komıtetiniń tóraǵasy, Astana qalasy boıynsha Salyq komıteti tóraǵasynyń orynbasary boldy.
2014-2017 jyldary Qazaqstan Respýblıkasy Prezıdenti Ákimshiliginiń memlekettik baqylaý jáne aýmaqtyq-uıymdastyrý jumysy bóliminiń memlekettik ınspektory laýazymyn atqarǵan.
2017-2019 jyldary Shyǵys Qazaqstan oblysy ákiminiń orynbasary, 2019-2021 jyldary Shyǵys Qazaqstan oblysy Besqaraǵaı aýdanynyń ákimi bolyp qyzmet atqardy.
2022 jyldyń shilde aıynda Abaı oblysy ákiminiń orynbasary bolyp taǵaıyndalǵan.
Apta sońynda Qala ákiminiń ókimimen Shymkent qalasy bilim basqarmasynyń basshysy laýazymyna Nurgúl Shámshıeva taǵaıyndaldy.
Nurgúl Aqylbekqyzy Qorqyt ata atyndaǵy Qyzylorda gýmanıtarlyq ýnıversıtetin, «Turan-Astana» ýnıversıtetin jáne Prezıdent janyndaǵy Memlekettik basqarý akademııasyn bitirgen.
Mamandyǵy boıynsha biliktiligi - orys tili men ádebıeti, psıhologııa, menedjment.
Eńbek jolynyń 22 jylyn tárbıe-bilim salasyna arnaǵan.
Sońǵy jyldary Shymkent qalasynyń bilim salasynda sapany qamtamasyz etý departamentiniń basshysy qyzmetin atqarǵan.
Oqý-aǵartý mınıstrliginiń, Memlekettik qyzmet isteri agenttiginiń kelisimderi jáne oblys ákiminiń ókimine sáıkes Qyzylorda oblysynyń bilim basqarmasynyń basshysy laýazymyna Asqarbek Esjanov taǵaıyndaldy.
Asqarbek Temirbekuly 1978 jyly Jalaǵash aýdanynda dúnıege kelgen.
Eńbek jolyn 1999 jyly Qyzylorda ekologııa jáne quqyq kolledjiniń oqytýshysy bolyp bastaǵan.
Ár jyldary oblystyq mádenıet basqarmasynda, oblystyq bilim departamenti men sottar ákimshisinde túrli jaýapty laýazymdar atqarǵan.
2007-2010 jyldary Qyzylorda qalalyq bilim berý bólimi bastyǵynyń orynbasary, Qyzylorda qalasy ákimi apparatynyń uıymdastyrý-baqylaý jáne kadr jumystary bóliminiń bastyǵy bolǵan.
2010-2015 jyldary Qyzylorda oblysy ákimi apparatynyń uıymdastyrý-ınspektorlyq jumys jáne aımaqtyq damý bóliminiń bas ınspektory, bólim meńgerýshisi, Qyzylorda qalasy ákimi apparatynyń basshysy qyzmetin oryndady.
2015-2020 jyldary Qyzylorda qalalyq bilim bólimi, Qyzylorda qalalyq máslıhat apparaty, Qyzylorda qalasynyń mádenıet jáne tilderdi damytý bóliminiń basshysy qyzmetterinde eńbek etti.
2020-2022 jyldary Qyzylorda qalasy ákiminiń orynbasary, Qyzylorda oblysynyń mádenıet, arhıvter jáne qujattama basqarmasynyń basshysy boldy.
2022 jyldyń sáýir aıynan Jalaǵash aýdanynyń ákimi laýazymyn atqardy.
Sondaı-aq, Qyzylorda oblysyndaǵy aýdandardyń birinde ákim aýysty. Jalaǵash aýdanynyń ákimi qyzmetine Ardaq Ibraımov keldi.
Ardaq Ábdiǵapparuly 1986 jyly Qyzylorda qalasynda dúnıege kelgen.
Qorqyt Ata atyndaǵy Qyzylorda memlekettik ýnıversıtetin «Munaı men gaz ken oryndaryn ıgerý», «Bolashaq» ýnıversıtetin «Quqyqtaný», «Memlekettik jáne jergilikti basqarý», Qyzylorda gýmanıtarlyq ýnıversıtetin «Qarjy» mamandyqtary boıynsha bitirgen.
Eńbek jolyn 2006 jyly «Kazgermunaı» jaýapkershiligi shekteýli seriktestiginde ınjenerdiń kómekshisi bolyp bastaǵan. Ár jyldary munaı jáne qurylys kompanııalarynda qarapaıym jumysshydan basshylyq laýazymdarda qyzmette bolǵan.
2019-2020 jyldary Qyzylorda qalasy ákimi apparatynyń personaldy basqarý qyzmetiniń basshysy, Qyzylorda qalasy ákiminiń keńesshisi bolyp eńbek etti.
2020-2022 jyldary Qyzylorda qalasyna qarasty Belkól kentiniń ákimi, 2022-2023 jyldary Qyzylorda oblysy ákimdigi is basqarmasynyń dırektory boldy.
2023 jyldyń aqpan aıynan bastap Qyzylorda oblysy ákimi apparaty basshysynyń orynbasary qyzmetin atqaryp keldi.
Áleýmettik jelide Almaty oblysy Uıǵyr aýdanynyń ákimi qyzmetine Bota Eleýsizova taǵaıyndalǵany qyzý talqylandy.
Bota Eleýsizova 1975 jyly 16 qańtarda Almaty oblysy Kegen aýdanynda dúnıege kelgen.
Eki joǵary bilimi bar: Memlekettik qazaq aýyl sharýashylyǵy jáne Qazaq memlekettik qyzdar pedagogıkalyq ınstıtýtyn támamdaǵan.
Ár jyldary Eńbekshiqazaq aýdany Túrgen aýyldyq okrýgi ákimi apparatynyń mamany, bas mamany, Túrgen aýyldyq okrýgi ákiminiń orynbasary, Túrgen aýyldyq okrýginiń ákimi boldy.
Kegen aýdany ákiminiń orynbasary bolyp jumys istedi.
2022 jyldan bastap Almaty oblysynyń ishki saıasat basqarmasyn basqardy.
Jýrnalıst Nurbek Ámısha «Qyzylorda» telearnasynyń dırektory bolyp taǵaıyndaldy.
N.Ámısha buǵan deıin QR Mádenıet jáne aqparat mınıstrliginiń baspasóz hatshysy qyzmetin atqardy. «Bolashaq» baǵdarlamasynyń túlegi. Qorqyt ata atyndaǵy Qyzylorda ýnıversıtetin, Ulybrıtanııanyń University of Leeds oqý ornyn támamdaǵan.
Saladaǵy qyzmetin aımaqtyq basylymdarda tilshilikten bastap, 2007-2009 jyldary «Aıqyn» respýblıkalyq gazetiniń Qyzylorda oblysyndaǵy menshikti tilshisi, 2009-2011 jyldary «Qyzylorda» telearnasynyń redaktory, 10 jylǵa jýyq ýaqyt «Habar» agenttiginde redaktor, prodıýser jáne bas redaktor bolyp eńbek etti.
