Apta ishinde bolǵan kadrlyq taǵaıyndaýlar
ASTANA. KAZINFORM — Ótip bara jatqan aptada ishinde Prezıdent ákimshiliginde kadrlyq aýys-túıis bolyp, jergilikti jáne ortalyq atqarýshy organdarda da jańa taǵaıyndaýlar boldy.
Atap aıtqanda, Memleket basshysynyń ókimimen Azamat Baqytjanuly Keskinbaev Qazaqstan Respýblıkasy Prezıdenti Ákimshiliginiń Kólik-logıstıka salasyn damytý bóliminiń meńgerýshisi laýazymyna taǵaıyndaldy.
Qazaqstan Respýblıkasy Úkimetiniń qaýlysymen Rostıslav Konıashkın jasandy ıntellekt jáne tsıfrlyq damý birinshi vıtse-mınıstri bolyp taǵaıyndaldy.
1989 jyly Taraz qalasynda dúnıege kelgen. M. V. Lomonosov atyndaǵy Máskeý memlekettik ýnıversıtetin, L. N. Gýmılev atyndaǵy Eýrazııa ulttyq ýnıversıtetin bitirgen. Eńbek jolyn 2011 jyly jeke kásiporynda konsýltant bolyp bastaǵan.
2011-2012 jyldary — «KazTransCom» ERP-Service» JShS «Intergaz Ortalyq Azııa» AQ jáne «Qaztransgaz» AQ kásiporyndary jobasynyń konsýltanty. 2012-2014 jyldary — «Astana Innovations» AQ-da túrli qyzmetter atqardy.
2014-2015 jyldary — «Aqparattyq taldaý ortalyǵy» AQ Elektrondy oqytýdy damytý ortalyǵynyń bas menedjeri, jobalyq menedjeri. 2016 jyly — «Azamattarǵa arnalǵan úkimet» memlekettik korporatsııasy» KEAQ Memlekettik qyzmet kórsetýdiń ádisnama departamentiniń bas mamany.
2016-2017 jyldary — «Órleý» ınnovatsııalyq tehnologııalar ortalyǵy» JShS jobalar boıynsha menedjeri. 2017-2019 jyldary — «Transtelekom» AQ ortalyq apparatynyń «Jobalyq menedjerler, AT keńsesi» baǵyty boıynsha jobalyq menedjeri. 2019-2020 jyldary — «Tengri Lab» JShS jobalyq keńsesiniń basshysy.
2020-2021 jyldary — QR TsDIAÓM Memlekettik kórsetiletin qyzmetter komıteti tóraǵasynyń orynbasary. 2021-2024 jyldary — «Ulttyq aqparattyq tehnologııalar» AQ basqarma tóraǵasy. 2024-2025 jyldary — QR Tsıfrlyq damý, ınnovatsııalar jáne aeroǵarysh ónerkásibiniń vıtse-mınıstri. 2025 jyldyń qazan aıynan bastap qazirgi ýaqytqa deıin QR jasandy ıntellekt jáne tsıfrlyq damý vıtse-mınıstri bolyp jumys istedi.
Tótenshe jaǵdaılar mınıstriniń buıryǵymen Túrkistan oblysy Tótenshe jaǵdaılar departamentiniń bastyǵy bolyp Baǵdat Chaızada taǵaıyndaldy.
Azamattyq qorǵaý polkovnıgi Baǵdat Temirbolatuly Chaızada 1987 jyly 16 qyrkúıekte Almaty qalasynda dúnıege kelgen, ulty qazaq. 2009 jyly Tótenshe jaǵdaılar mınıstrliginiń Kókshetaý tehnıkalyq ınstıtýtyn bitirgen. Mamandyǵy — «órtqaýipsizdigi ınjeneri».
Azamattyq qorǵaý organdarynda 2005 jylǵy tamyzdan bastap jumys atqarady. 2009 jyldyń shilde aıynan bastap — Almaty qalasy Tótenshe jaǵdaılar departamenti «Órtsóndirý jáne avarııalyq-qutqarý jumystary qyzmeti» MM № 11 mamandandyrylǵan órtsóndirý bóliminiń aǵa ınjeneri, aýysym basshysy.
2010 jyldyń tamyz aıynan bastap — Almaty qalasy Tótenshe jaǵdaılar departamentiniń «Órtsóndirý jáne avarııalyq-qutqarý jumystary qyzmeti» MM № 6 órt sóndirý bólimi bastyǵynyń orynbasary. 2013 jyldyń aqpan aıynan bastap — Almaty qalasy Tótenshe jaǵdaılar departamentiniń «Órtsóndirý jáne avarııalyq-qutqarý jumystary qyzmeti» MM № 4 órt sóndirý bóliminiń bastyǵy.
2015 jyldyń aqpan aıynan bastap — Almaty qalasy Tótenshe jaǵdaılar departamentiniń «Órt sóndirý jáne avarııalyq-qutqarý jumystary qyzmeti» MM bastyǵynyń orynbasary. 2019 jyldyń sáýir aıynan bastap — Almaty qalasy Tótenshe jaǵdaılar departamenti «Órt sóndirý jáne avarııalyq-qutqarý jumystary qyzmeti» MM kúshteri men quraldaryn jedel basqarý ortalyǵynyń bastyǵy.
2021 jyldyń qańtar aıynan bastap — Tótenshe jaǵdaılar mınıstrligi Almaty qalasy Tótenshe jaǵdaılar departamenti Daǵdarys jaǵdaılary basqarmasynyń bastyǵy. 2023 jyly qyrkúıek aıynan bastap — Almaty qalasy Tótenshe jaǵdaılar departamenti bastyǵynyń orynbasary. 2025 jyly 23 jeltoqsan aıynan bastap — Túrkistan oblysy Tótenshe jaǵdaılar departament bastyǵy.
Ermek Erbatyruly Kýchýkov Pavlodar oblysy densaýlyq saqtaý basqarmasyn basqarady.
Ermek Erbatyruly 1974 jyly Reseı Federatsııasynyń Altaı ólkesinde dúnıege kelgen. Joǵary bilimdi. 1998 jyly Semeı memlekettik medıtsına akademııasyn «Emdeý isi» mamandyǵy boıynsha, 2000 jyly «Akýsherlik jáne gınekologııa» mamandyǵy boıynsha klınıkalyq ordınatýrany támamdaǵan.
2017 jyly Innovatsııalyq Eýrazııa ýnıversıtetiniń «Menedjment» mamandyǵy boıynsha magıstratýrasyn támamdaǵan. Eńbek jolyn 1991 jyly Pavlodar oblysynyń Jambyl aýylynda elektromonter bolyp bastaǵan.
2000-2009 jyldary Pavlodar oblystyq onkologııalyq dıspanserinde dáriger-onkolog bolyp jumys istedi. 2009-2015 jyldary «Kóliktegi medıtsınalyq qyzmet kórsetý» AQ-nyń «Pavlodar stantsııasynyń temirjol aýrýhanasy» gınekologııa bólimshesiniń meńgerýshisi qyzmetin atqardy.
2015-2018 jyldary Pavlodar qalalyq № 1 aýrýhanasynyń bas dárigeriniń orynbasary boldy. 2018 jyldan osy laýazymǵa taǵaıyndalǵanǵa deıin «Pavlodar temirjol aýrýhanasy» JShS-niń dırektory qyzmetin atqardy.
Abaı oblysy Kókpekti aýdanynyń ákimi saılaýynda Nurbek Tursynqanuly jeńiske jetti. Ol saılaýshylardyń 68,5%-ynyń daýysyn ıelengen.
Nurbek Tursynqanuly 1979 jyly 5 maýsymda Kókpekti aýdany Kókpekti aýylynda dúnıege kelgen. Semeı qalasyndaǵy M.O. Áýezov atyndaǵy pedagogıkalyq kolledjdiń «Bastaýysh synyp jáne ulttyq mektepte orys tili páni muǵalimi», M.O. Áýezov atyndaǵy Semeı ýnıversıtetin «Qazaq tili jáne ádebıet muǵalimi», Qazaq ınnovatsııalyq gýmanıtarlyq-zań ýnıversıtetin «Quqyqtaný», Semeı qalasynyń Shákárim atyndaǵy ýnıversıtetin «Qurylys materıaldaryn, buıymdaryn jáne qurastyrylymdaryn óndirý» mamandyqtary boıynsha bitirgen.
Eńbek jolyn Semeı qalasynyń № 33 orta mektebiniń bastaýysh synyptaryndaǵy orys tili pániniń muǵalimi bolyp bastaǵan. 2002-2008 jyldary Semeı qalasynyń № 17 orta mektebinde qazaq tili jáne ádebıeti pániniń muǵalimi, tárbıe jumysy boıynsha dırektordyń orynbasary. 2008-2009 jyldary Semeı qalasynyń № 36 orta mektebinde qazaq tili jáne ádebıeti pániniń muǵalimi, oqý-tárbıe jumysy boıynsha dırektordyń orynbasary. 2009-2010 jyldary Aqmola oblysynyń Jaqsy aýdanynyń Jaqsy aýylynyń № 2 Jaqsy orta mektebiniń dırektory.
2010-2012 jyldary Semeı qalasynyń bilim bóliminiń bas mamany. 2012-2013 jyldary Besqaraǵaı aýdany ákim apparatynyń uıymdastyrý-kadr jáne memlekettik-quqyq jumysy bóliminiń basshysy. 2013 jyldyń aqpan-qyrkúıek aılarynda Semeı qalasy ákim apparatynyń uıymdastyrý-kadr jumysy jáne marapattaý bóliminiń bas mamany. 2013-2014 jyldary Semeı qalasy ákim apparatynyń personaldy basqarý bóliminiń basshysy.
2014-2015 jyldary Semeı qalasy ákim apparatynyń uıymdastyrý-ınspektorlyq jumys bóliminiń basshysy. 2015-2019 jyldary Kýrchatov qalasy ákim apparatynyń basshysy. 2019-2024 jyldary Kýrchatov qalasy ákiminiń orynbasary. 2024 jyldyń jeltoqsan aıynan osy ýaqytqa deıin Besqaraǵaı aýdanynyń ákimi laýazymyn atqarǵan.
QR SJRA Ulttyq statıstıka bıýrosynyń Qostanaı oblysy boıynsha departamentiniń basshysy bolyp Olga Shahmatova taǵaıyndaldy.
Buǵan deıin ol Qostanaı oblysy Statıstıka departamentiniń Aýyl sharýashylyǵy statıstıkasy basqarmasynyń basshysy qyzmetin atqarǵan.
Olga Nıkolaevna Qostanaı aýyl sharýashylyǵy ınstıtýtyn «Ekonomıka jáne menedjment» mamandyǵy boıynsha támamdaǵan. Eńbek jolyn 1997 jyly Qostanaı oblystyq statıstıka basqarmasynyń ekonomısi qyzmetinen bastaǵan. 1999-2004 jj. Qostanaı oblysynyń Aqparattyq statıstıka ortalyǵynda maman, jetekshi maman, ónerkásip óndirisi statıstıkasyn aqparattyq qamtamasyz etý bóliminiń bastyǵy bolyp jumys istedi.
2005-2008 jj. Qostanaı oblysy boıynsha statıstıka departamentiniń ekonomıkanyń ındýstrııa sektory statıstıkasy, óndiris statıstıkasy, sondaı-aq kásiporyndardyń qarjysy, qurylys jáne ınvestıtsııalar bóliminiń bastyǵy qyzmetin atqarǵan. 2008-2025 jyldar aralyǵynda Qostanaı oblysy Statıstıka departamenti basshysynyń orynbasary laýazymynda boldy.
2025 jyldan bastap qazirgi ýaqytqa deıin Qostanaı oblysy boıynsha Departamenttiń Aýyl sharýashylyǵy statıstıkasy basqarmasynyń basshysy qyzmetin atqardy. 2017-2024 jyldary Ádep jónindegi ýákil boldy. Qazaqstan Respýblıkasynyń Ulttyq halyq sanaǵyn, sondaı-aq aýyl sharýashylyǵy sanaǵyn júrgizýge belsendi qatysty. «Statıstıka úzdigi» jáne «Birinshi ulttyq aýyl sharýashylyǵy sanaǵy» tósbelgilerimen marapattalǵan.
2025 jylǵy Prezıdenttik jastar kadr rezerviniń múshesi Almaz Keńesbaı Almaty qalasy Bostandyq aýdany ákiminiń orynbasary qyzmetine taǵaıyndaldy.
Ol Almaty energetıka jáne baılanys ýnıversıtetiniń «Elektr energetıkasy» mamandyǵyn, Qazaq ulttyq agrarlyq ýnıversıtetiniń «Quqyqtaný» mamandyǵyn támamdaǵan.
Eńbek jolyn 2017 jyly Almaty qalasy Alataý aýdany ákiminiń apparaty Kommýnaldyq sharýashylyq bóliminiń bas mamany qyzmetinen bastady.
2023 jyldan bastap Almaty qalasy Alataý aýdany ákimi apparaty Injenerlik jáne jol ınfraqurylymy bóliminiń basshysy boldy. Qazaqstan Respýblıkasy Prezıdenti janyndaǵy Memlekettik basqarý akademııasynda «Óńirlik damý» mamandyǵy boıynsha magıstr dárejesin alǵan.
2024 jyldan bastap Memlekettik basqarý akademııasynyń Almaty oblysy boıynsha fılıalynda aǵa oqytýshy, sondaı-aq Almaty qalasy Jastar saıasaty basqarmasy basshysynyń orynbasary qyzmetterin atqardy.
Prezıdenttik jastar kadr rezerviniń múshesin jaýapty basshylyq laýazymǵa taǵaıyndaý memlekettik basqarý júıesinde merıtokratııa qaǵıdatyn júıeli túrde iske asyrýdyń jáne jas basqarýshylar áleýetin tıimdi paıdalanýdyń aıqyn kórinisi sanalady.
Maqsat Muqash Jańaózen qalasy ákiminiń orynbasary qyzmetine kiristi.
Maqsat Asqaruly 1991 jyly Mańǵystaý oblysy, Jańaózen qalasynda dúnıege kelgen. Bilimi — joǵary. L. N. Gýmılev atyndaǵy Eýrazııa ulttyq ýnıversıtetin «Dene shynyqtyrý jáne sport», M. S. Nárikbaev atyndaǵy QAZGZÝ ýnıversıtetin «Quqyqtaný», Esil University mekemesin «Memlekettik jáne jergilikti basqarý» mamandyqtary boıynsha támamdaǵan.
Eńbek jolyn 2013 jyly bilim jáne sport salasynda bastaǵan. Ár jyldary balalar men jasóspirimder sport mektepterinde basshylyq qyzmetter atqardy. 2019–2023 jyldary Jańaózen qalasyndaǵy № 1 balalar men jasóspirimder sport mektebiniń dırektory boldy. Jańaózen qalalyq máslıhatynyń VІІ shaqyrylym depýtaty (2021 — 2023 jj.)
2023 j. maýsym–qazan — Mańǵystaý oblysy ákiminiń kómekshisi qyzmetin atqardy. 2023 jylǵy qazan aıynan bastap Mańǵystaý oblysynyń dene shynyqtyrý jáne sport basqarmasyn basqardy. 2025 jylǵy 22 jeltoqsan kúni Jańaózen qalasy ákiminiń orynbasary bolyp taǵaıyndaldy.
Beken Kaneluly Seıdahmetov «Nursultan Nazarbaev» halyqaralyq áýejaıy» aktsıonerlik qoǵamynyń basqarma tóraǵasy qyzmetine taǵaıyndaldy.
Beken Kanelulynyń azamattyq avıatsııa salasy boıynsha beıindi joǵary bilimi bar — Rıga azamattyq avıatsııa ınjenerleri ınstıtýtyn támamdaǵan. Ol azamattyq avıatsııa jáne kólik ınfraqurylymy salasynda mol basqarýshylyq tájirıbege ıe.
Ár jyldary birqatar basshylyq qyzmetterdi atqardy, onyń ishinde «Astana halyqaralyq áýejaıy» RMK ekonomıka jáne qarjy jónindegi bas dırektordyń orynbasary, «Astana halyqaralyq áýejaıy» JAQ birinshi vıtse-prezıdenti, sondaı-aq «Samuryq» memlekettik aktıvterdi basqarý jónindegi qazaqstandyq holdıng» AQ kólik aktıvterin basqarý tobynyń bas sarapshysy qyzmetterin atqardy.
2011–2017 jyldary Azamattyq avıatsııa komıtetin basqaryp, salany damytý jáne retteý máselelerine jetekshilik etti. Atalǵan qyzmetke taǵaıyndalǵanǵa deıin Azamattyq avıatsııa akademııasynyń rektory qyzmetinde boldy.