AÓK-tegi básekelestikti shekteıtin taǵy bir kedergi joıyldy
Agenttik janyndaǵy Kedergiler jónindegi keńestiń kezekti otyrysynda sýbsıdııalaýdyń (Qoldau) aqparattyq júıesindegi básekelestikke qarsy kedergi anyqtaldy.
«Aqparattyq júıe jergilikti bıýdjette qarjylandyrýǵa aqsha bolmaǵan kezde sýbsıdııa alý úshin ótinish berýge múmkindik bermegen, al qarajat paıda bolǵan kezde platforma ótinimderdi qarjy taýsylǵanǵa deıin qabyldaǵan», delingen habarlamada.
Osy kedergini joıý maqsatynda vedomstvo men Aýyl sharýashylyǵy mınıstrliginiń vedomstvoaralyq toby quryldy, bul top jumysynyń nátıjesinde «Kútý paraǵyn» engizý bóliginde «Agroónerkásiptik keshen sýbektisi ınvestıtsııalyq salymdar kezinde shekken shyǵystardyń bir bóligin óteý boıynsha sýbsıdııalaý qaǵıdalaryn bekitý týraly» AShM-nyń 2021 jylǵy 16 qarashadaǵy buıryǵyna ózgerister engizildi.
«Endigári kásipkerler óz baǵyttary boıynsha rezervke (kútý paraǵyna) engiziledi jáne osy ótinimder boıynsha sýbsıdııa tóleý kelesi jyly qosymsha bıýdjet qarajaty bólingen kezde ótinimderdiń kelip túsken kúni men ýaqytyna sáıkes kezektilik boıynsha júzege asyrylatyn bolady», delingen habarlamada.
Buıryq 2022 jyldyń 1 qańtardan bastap qoldanysqa engiziledi.
