AÓK óńdelgen ónim eksporty eki esege artady – Aýyl sharýashylyǵy mınıstrligi
«Memleket basshysynyń Joldaýynda mınıstrlikke birqatar tapsyrmalar berildi, olardy sheshý agroónerkásiptik keshendi damytýǵa jańa serpin beredi. Negizgi mindetterdiń biri – agroónerkásiptik keshenniń óńdelgen ónim eksportyn eki esege ulǵaıtý. Ulttyq joba ázirleý aıasynda aýyl sharýashylyǵy jáne qaıta óńdelgen ónim eksportyn ulǵaıtý máseleleri talqylanady», - dedi mınıstr.
Onyń aıtýynsha, Qaýipsizdik Keńesiniń janynan agrokóshbasshylar toby quryldy. Olar konkýrstyq negizde sarapshylardy tańdady. Bul sarapshylar Aýyl sharýashylyǵy mınıstrligimen birlesip, eksportty ulǵaıtý jónindegi óz pikirlerin ázirlep jatyr.
«Jyl sońyna deıin qujat tujyrymdamasyn ázirlep, talqylaýǵa shyǵaramyz dep oılaımyn. Qujattyń drafty daıyn tur, onda eksport boıynsha barlyq problemalyq máseleler kórsetilgen. Onyń qandaı sheshimderi bar, qaı elderge eksport kólemin ulǵaıtý qajet, qandaı ónimder boıynsha áleýet bar – bul máseleler Aýyl sharýashylyǵy mınıstrligine ǵana emes, barlyq memlekettik organdarǵa qatysty. Atalǵan qujat Aýyl sharýashylyǵy mınıstrliginiń Agroónerkásiptik keshen boıynsha sońǵy on jyldyq qyzmetine jasalǵan taldaý negizinde daıyndalady. Qujat daıyn bolǵan soń, talqylaýǵa shyǵaryp, qoǵamdyq keńesterdiń qaraýyna beremiz», - dedi Saparhan Omarov.
