Antıkordyń tergeýinde bolǵan sheneýnik sýıtsıd jasady ma

ASTANA. KAZINFORM – Sybaılas jemqorlyqqa qarsy is-qımyl agenttiginiń resmı ókili Arman Tileýkenov asa iri laýazym ıeleriniń atyn paıdalanyp, 1 mln dollar jymqyrdy delingen kúdiktiniń sottalǵanyn málim etti. 

«Soltústik Qazaqstan oblysynda bilim bóliminiń basshysynyń ústinen sotqa deıingi tergeý júrip jatyr. Oǵan baǵynysty qyzmetkerdiń sybaılas jemqorlyqqa qarsy qyzmet departamentindegi tergeýge qatysyp, keıin sýıtsıd jasaǵany jaıly aqparat paıda boldy. Bul fakti bizge málim», — dedi resmı ókil.

Arman Tileýkenov atalmysh qyzmetkerdiń iste kýáger retinde túsinik bergenin atap ótti.

«Másele mynada, ol jaıynda habardarmyz. Іske ol kýáger retinde qatysqan. Tergeýge barynsha atsalysty. Oǵan qarsy protsessýaldy májbúrleý sharasy qoldanylǵan joq. Oblys aýmaǵynda erkin júrip-tura alatyn. Qazirgi tańda polıtsııa ózin-ózi óltirýge deıin jetkizý faktisi boıynsha tergeý júrgizip jatyr», — dedi agenttiktiń resmı ókili.