Antıkor LRT-ǵa jaýaptylardy izdeý týraly: ilgerileý bar
ASTANA. KAZINFORM — Elordadaǵy LRT qurylysyna jaýapty tulǵalardy izdeý jumystary áli júrip jatyr. Bul týraly Sybaılas jemqorlyqqa qarsy is-qımyl agenttiginiń resmı ókili Danııar Bıgaıdarov málim etti.
— Belgili bir aqparat pen ilgerileý bar, biraq izdestirý jumystary jalǵasyp jatyr. Ókinishke qaraı, qazir BAQ-pen bólisýge bolatyn jańartylǵan aqparat joq. Jańa málimetter paıda bolǵan jaǵdaıda habarlaımyz, — dedi Danııar Bıgaıdarov vedomstvoda ótken baspasóz máslıhatynda.
Eske sala ketsek, «Astana LRT» boıynsha is sotqa 2020 jyly qazanda joldandy.
Budan buryn habarlanǵandaı, 2023 jyly mamyrda elordada salynbaı qalǵan Astana LRT qurylysyna qatysty qylmystyq is boıynsha sot úkimi shyqty. Sot úkimimen Talǵat Ardan men Qanat Sultanbekov 7 jylǵa sottaldy.
Sondaı-aq Bas prokýratýra Talǵat Ardan men Qanat Sultanbekovti izdeý jumysynyń toqtamaıtynyn aıtty.
Jyl basynda elimizdiń Bas prokýratýrasy Interpol Talǵat Ardannyń qaıda ekenin anyqtamaǵanyn habarlady.
Aıta ketsek, Memleket basshysy Qasym-Jomart Toqaev LRT isi boıynsha jaýapty adamdar baqylaýshy organdardyń suraǵyna jaýap berýi kerektigin eskertken bolatyn.