Antıbıotıkter nege bakterııaǵa qarsy tura almaıdy

NUR-SULTAN. QazAqparat - Reseılik mıkrobıolog antıbıotıktiń nege bakterııaǵa qarsy tura almaı jatqanyn túsindirdi, dep habarlaıdy QazAqparat koronavırýsqa qarsy vedomstvoaralyq komıssııaǵa silteme jasap.

«Koronavırýstan kóz jumǵan naýqastardyń kópshiligi, COVID-19-dan emes, aýrýhanada juqtyrylǵan sýperınfektsııadan qaıtyp jatyr. Onyń emi joq. Koronavırýspen aýyrǵan naýqastardyń bir ereksheligi - olardyń denesinde óte qaýipti sýperınfekt bakterııalardyń tez qalyptasýynda. Sonymen qatar, bul - dárilerge turaqtylyǵy joǵary, emdeý múmkindigi shekteýli shtamdar. Biz olardy jıi anyqtap jatyrmyz», – deıdi reseılik mıkrobıolog Konstantın Severınov.

Dárigerdiń aıtýynsha, sýperınfektsııanyń tabıǵaty vırýstyq emes, bakterııalyq.

«Biz uzaq ýaqyt boıy jasandy tynys alý apparatynda bolǵan adamdarda paıda bolatyn ınfektsııalar týraly aıtyp otyrmyz. Olardyń qozdyrǵyshy – kók irińdi taıaqsha. COVID-19 jaǵdaıynda bul ásirese aıqyn kórinedi. Naýqas adamdarǵa tynys alý qospasy beriledi, bul is júzinde ókpeni jasandy jeldetý bolyp tabylady» deıdi mıkrobıolog.

Eger aýrýhananyń ózindik patogendik mıkroflorasy bolsa, demek ol tynys alý joldaryna da enedi.

Sonymen qatar, jasandy jeldetkishte jatqan adamdar únemi antıbıotık qabyldaıdy.

Jappaı, ásirese epıdemııanyń alǵashqy kezeńderinde COVID-19-dy emdeıtin «qyzyl aımaqta» turaqty mıkrobtardyń úlesi artqan. Odan bólek, aýrýhanadan tys jerlerde de turaqty mıkrobtar jıi kezdesýde.