Antarktıdadaǵy Hektorııa muzdyǵy eki aıda 8 km artqa shegindi
ASTANA.KAZINFORM — Antarktıkalyq túbektegi Hektorııa muzdyǵy 2022 jyldyń eki aıynda 8 km-den astam artqa shegindi. Bul týraly AQSh-tyń Kolorado ýnıversıtetiniń Boýlderdegi zertteýshileri habarlady, dep jazdy Anadoly agenttigi.
Ǵalymdar zertteýdi muzdyqtyń geofızıkalyq málimetteri men spýtnıktik sýretter negizinde jasaǵan.
Zertteýshilerdiń málimetinshe, eki aı ishinde muzdyqtyń erý jyldamdyǵy – 8 km-den astam artqa sheginýge májbúr etti. Ǵalymdar mundaı tez buzylýdyń sebebi muz qabatynyń astyndaǵy sý qysymynyń artýynan dep boljap otyr. Bul iri muz massalarynyń jarylyp úzilýine ákeletinin atap ótti.
Zertteýshiler mundaı protsester Antarktıdanyń basqa muzdyqtarynda da bolýy múmkin ekenin eskertedi, bul jahandyq teńiz deńgeıiniń kóterilýine úlken qaýip tóndiredi. Olar kontınenttegi muz qabattaryn muqııat zertteýdiń mańyzdylyǵyn atap ótti, bul bolashaq klımattyq ózgeristerdi aldyn ala boljaýǵa múmkindik beredi.
Zertteý nátıjeleri Nature Geoscience ǵylymı jýrnalynda jarııalanǵan.