Antalııada Abaı saıabaǵy ashyldy
Abaıdyń 175 jyldyq mereıtoıyn merekeleý sheńberinde Qazaqstan Túrkııadaǵy Elshiligi, Antalııadaǵy Konsýldyǵy, Qazaqstan jáne Eýrazııa halyqtarynyń dostyq pen mádenıet qaýymdastyǵynyń bastamasymen Antalııa qalasynda ornalasqan saıabaqqa Abaı Qunanbaıuly esimi berilgen bolatyn.
Saıabaqta Abaıdyń mármermen qaptalǵan eckertkish taqtasy ornatylyp, ashylý saltanatyna Qazaqstannyń Túrkııadaǵy Elshisi Abzal Saparbekuly, Antalııa qalasy Muratpasha aýdanynyń meri Úmit Ýısal, Dúnıejúzi qazaqtar assotsıatsııasy birinshi orynbasarynyń keńesshisi Qarlyǵash Qojamuratova, Qoja Ahmet ıAssaýı ýnıversıteti Ókiletti keńesiniń Tóraǵa keńesshisi, professor Fyrat Pýrtash, Respýblıkalyq Halyq partııasynyń Antalııadaǵy tóraǵasy Nýsret Baıar jáne orynbasary Rafet Zeıbek, Qazaqstan jáne Eýrazııa halyqtarynyń dostyq pen mádenıet qaýymdastyǵy músheleri, jergilikti qonaqtar men BAQ ókilderi qatysty.
Alqaly jıyn barysynda shaǵyn kontserttik baǵdarlama uıymdastyrylyp, Abaı shyǵarmashylyǵynan belgili ólenderi oqylyp, án-kúıi shyrqalyp, kitaptary syıǵa tartyldy.
Elshi Abzal Saparbekuly óziniń betashar sózinde, Abaıdyń 175 jyldyq mereıtoıyna arnalǵan bul saıabaqtyń ashylýyna qoldaý kórsetken baýyrlas Túrkııa eline óz alǵysyn bildire otyryp, osyndaı halyqaralyq deńgeıde atqarylǵan sharalar eki el arasyndaǵy baılanystyń odan ári jaqyndaı túsýine óz septigin tıgizetinine senim bildirdi. «Túrki áleminiń uly perzenti Abaı, qazaq halqynyń temirqazyǵy», – degen A.Saparbekuly, Túrki Keńesiniń Qurmetti Tóraǵasy, Elbasymyz Nursultan Nazarbaevtyń: «Abaı óziniń týǵan halqymen máńgi-baqı birge jasaıdy, ǵasyrlar boıy qazaq elin, qazaǵyn bıikterge, asqar asýlarǵa shaqyra beredi», – degen ónegeli sózin eske saldy.
Uly aqyn murasynyń baýyrlas elde erekshe dáriptelip jatqanyna rızashylyǵyn bildirgen A.Saparbekuly, Qazaqstan Prezıdenti Qasym-Jomart Toqaevtyń osy jyly jaryq kórgen maqalasyndaǵy «Qazir aıtyp júrgen ıntellektýaldy ult qalyptastyrý ıdeıasy Abaıdan bastaý aldy deýge bolady. Uly oıshyl ár sózimen ulttyń óresin ósirýdi kózdedi.», – degen sózderine nazar aýdara otyryp, Abaı jolymen júrgen jastardyń, halqymyzdyń jáne jalpy adamzattyń órkendeýi jolynda ólsheýsiz úles qosatyndyǵyna toqtaldy.
Sonymen qatar ashylý saltanatynda sóz sóılegen Antalııa, Muratpasha aýdanynyń meri Úmit Ýısal, saıabaqqa Abaı esimin berý qazaq jáne túrik halyqtarynyń rýhanı ári mádenı jaqyndyǵyn kórsetken mańyzdy is-shara ekenin atap ótti. «Abaı esimi túrik álemin birlikte ustaıtyn uly esimderdiń biri» ekenin aıta otyryp, eki el arasyndaǵy birlik ben yntymaqtastyqqa ózindik úles qosatynyn jetkizdi.
