Ánshi Sıvı Mahmýdıdiń burynǵy kúıeýine izdeý jarııalandy

ASTANA.KAZINFORM - Astana qalasynyń Sybaılas jemqorlyqqa qarsy qyzmeti qazaqstandyq ánshi Sıvı Mahmýdıdiń burynǵy kúıeýi Ańsar Qajymuhanulyna izdeý jarııalady.

Quqyqtyq statıstıka jáne arnaıy esepke alý organdary portalynda kórsetilgendeı, izdeý isi osy jyldyń 21 qazanynda Astanada tirkelgen.

«Bastamashy: SJQІA. Tergeýdi Qazaqstan Respýblıkasy Sybaılas jemqorlyqqa qarsy is-qımyl agenttiginiń Astana qalasyndaǵy departamenti júrgizedi», - delingen habarlamada.

Ansar Qajymuhanuly men ánshi Sıvı Mahmýdı on jyldaı nekede turdy.

Aıta keteıik, Sıvı Mahmýdı – qazaqstandyq tanymal ánshi, aktrısa jáne prodıýser.