«Ańsaǵan sábı»: Bıyl atyraýlyq analarǵa 232 kvota bólindi

ATYRAÝ. KAZINFORM — Atyraý oblysynda sońǵy úsh jylda «Ańsaǵan sábı» baǵdarlamasymen balaly bolǵysy keletin otbasylar úshin 679 kvota bólingen. Al, bıyl sábı súıýdi ańsaǵandarǵa 232 kvota qaralyp otyr.

«Ekomed-Atyraý» JShS klınıkasynyń gınekolog-dárigeri, reprodýktolog Qundyz Dáýletııarovanyń aıtýynsha, «Ańsaǵan sábı» baǵdarlamasynyń basty maqsaty — qosalqy reprodýktıvti tehnologııanyń kómegimen otbasylyq-demografııalyq máselelerdi sheshýge járdemdesý.

«Elimizde 2021 jyldan beri bedeýlikke qarsy «Ańsaǵan sábı» baǵdarlamasy iske asyryla bastady. Qazaqstanda bul protsedýra qolǵa alynǵaly beri bala súıgen baqytty otbasylardyń qatary kóbeıdi. Bul baǵdarlamaǵa 18-42 jasqa deıingi áıelder qatysa alady. Baǵdarlamaǵa qatysýshy óziniń kelisimimen arnaıy konsýltatsııadan, medıtsınalyq tekserýden ótedi. Munyń bári mindetti «s-shara», - deıdi Qundyz Dáýletııarova.

Onyń deregine súıensek, Atyraý oblysyna 2021 jyly — 233, 2022 jyly — 213 kvota bólingen.

Al, byltyr atyraýlyq analarǵa 233 kvota usynylǵan. Alaıda, kvotanyń 20-y suranystyń kóptigine baılanysty Almaty oblysyna berilgen.

«Byltyr Atyraý oblysynda 213 kvota ıgerildi. Baǵdarlamanyń nátıjesinde 59 áıel bala kóterdi. Alaıda, 9 ana túsik tastady. Qazir 47 ana sábı kútip otyr. Úsh ana ómirge náreste ákeldi. Ózge analar tıisti is-sharalardy qabyldap júr», - dep málim etti Qundyz Dáýletııarova.

Eske sala ketelik, buǵan deıin Atyraý oblysynda úsh jylda 704 kvota bólingenin jazǵan edik.