Ańsaǵan sábı: 3 myńnan astam náreste dúnıe esigin ashty

ASTANA. QazAqparat – «Ańsaǵan sábı» baǵdarlamasy aıasynda 6,5 áıelge kómek kórsetildi. Nátıjesinde 2650 otbasynda 3110 sábı dúnıe esigin ashty, dep habarlaıdy QazAqparat tilshisi.

«Memleket basshysynyń tapsyrmasyna sáıkes elimizde «Ańsaǵan sábı» baǵdarlamasy iske asyp jatyr. Baǵdarlama bastalǵaly 7 myń áıel EKO júıemen qamtyldy, al naqty bıyl 6,5 myń áıel. «Ańsaǵan sábı» arqyly kezegin kútýshiler bar. Jobany iske asyrý barysynda bıyl 2650 otbasynda 3110 sábı dúnıe esigin ashty», - dedi QR Densaýlyq saqtaý vıtse-mınıstri Vıacheslav Dýdnık OKQ-de ótken brıfıngide.

Sondaı-aq vıtse-mınıstr el aýmaǵynda halyqaralyq standartqa sáıkes keletin 11 perınataldy ortalyq salynatynyn tilge tıek etti.

«El bolashaǵy óskeleń urpaqtyń saýlyǵymen baılanysty. Balalar jyly aıasynda bizdiń mınıstrlik birqatar jobany qolǵa alyp, iske asyrdy. Jas urpaqtyń saýlyǵyn qamtý baǵytyndaǵy jumystar jalǵasyn tabady», - deıdi ol.

Buǵan deıin habarlaǵanymyzdaı, bıyl elimizde 402 myń sábı dúnıege keldi.