Anna Danılına tórtinshi jarys qatarynan fınalǵa joldama aldy

ASTANA. KAZINFORM - Qazaqstannyń juptyq syndaǵy birinshi, álemniń 9-raketkasy Anna Danılına Istbýrn (Ulybrıtanııa) WTA 250 týrnıriniń fınalyna shyqty.

Qazaqstandyq tennısshi osyǵan deıin Rolan Garros, London WTA 500 jáne Nottıngem 250 týrnırleriniń fınalyna shyqqan edi.

Danılına bul joly chehııalyq Marı Boýzkovamen birge jartylaı fınalda ulybrıtanııalyqtar Herrıet Dart - Maııa Lýmsdenmen sheberlik baıqasty. 

Birinshi partııada ulybrıtanııalyq dýet 6:2 esebimen basym tústi. Ekinshisinde Danılına - Boýzkova ese qaıyrdy - 7:5. Sodan keıin sýper taı-breıkte jeńisti julyp aldy - 11:9.

Saǵat jarymnan astam ýaqytqa sozylǵan básekede ekeýi 1 eıspen birge 11 breık-poınttyń úsheýin paıdalandy. Ulybrıtanııalyq jup 4 breıkpen (7 breık-poınt) kózge tústi.

Qazaqstandyq-chehııalyq dýettiń kelesi qarsylastary keıin anyqtalady.

Eske sala keteıik, budan buryn Anna Danılınanyń Ulybrıtanııadaǵy jarystyń jartylaı fınalyna ótkenin jazǵan edik.