Anna Danılına Beıjiń týrnırin sátti bastady

ASTANA. KAZINFORM – Qazaqstannyń juptyq syndaǵy birinshi, álemniń 13-raketkasy Anna Danılına Beıjiń (Qytaı) WTA 1000 týrnıriniń ekinshi aınalymyna shyqty.

Qazaqstandyq tennısshi serbııalyq Aleksandra Krýnıchpen birge alǵashqy aınalymda Polsha ókili Magda Lınett – norvegııalyq Klara Taýsonmen synǵa tústi.

Birinshi partııada 6:4 esebi tirkelse, Danılına – Krýnıch ekinshi sette de qarqynyn tómendetken joq – 6:2. 

Bir saǵat 12 mınýtqa sozylǵan básekede qazaqstandyq-serbııalyq dýet 3 eıspen birge 12 breık-poınttyń úsheýin paıdalandy. Lınett – Taýson 1 eıspen shekteldi. 

Anna Danılına – Aleksandra Krýnıch shırek fınalǵa shyǵý úshin amerıkalyq Nıkol Melıkar-Martınes – reseılik Lıýdmıla Samsonovamen talasady. 

Eske sala keteıik, budan buryn Elena Rybakınanyń Beıjiń týrnıriniń úshinshi aınalymyna shyqqanyn jazǵan edik.