Anna Danılına Aýstrııadaǵy jarystyń fınalynan shet qaldy

ASTANA. KAZINFORM – Qazaqstannyń juptyq syndaǵy birinshi, álemniń 20-raketkasy Anna Danılına Lınts (Aýstrııa) WTA 500 týrnıriniń fınalynan tys qaldy.

Анна Данилина
Фото: olympic.kz

Jarystyń 2-raketkasy bolyp tirkelgen qazaqstandyq tennısshi Irına Hromachevamen birge jartylaı fınalda ýkraınalyqtar Nadejda jáne Lıýdmıla Kıchenokqa tap keldi.

Ýkraınalyq jup birinshi partııada 6:4 esebimen basym tússe, ekinshisinde tipti bet qaratpady – 6:0.

Bir saǵat 10 mınýtqa sozylǵan báseke barysynda Danılına – Hromacheva 1 eıspen birge 8 breık-poınttyń tek ekeýin paıdalandy. Ýkraınalyqtar 2 eıs, 6 breıkpen (7 breık-poınt) kózge tústi.

Eske sala keteıik, budan buryn Anna Danılınanyń Aýstrııadaǵy týrnırdiń jartylaı fınalynda oınaıtynyn jazǵan edik.

Sondaı-aq tennısten Devıs kýbogynda Qazaqstan – Pákistan matchynyń jerebesi tartyldy.

Сейчас читают