Anna Danılına Aýstralııadaǵy jarystyń jartylaı fınalyna joldama aldy

ASTANA. KAZINFORM — Qazaqstannyń juptyq syndaǵy birinshi, álemniń 14-raketkasy Anna Danılına Adelaıda (Aýstralııa) WTA 500 týrnıriniń jartylaı fınalyna shyqty. Jarystyń 4-raketkasy bolyp tirkelgen A.Danılına serbııalyq Aleksandra Krýnıchpen birge shırek fınalda chehııalyq Marı Boýzkova — brazılııalyq Lýıza Stefanımen kezdesýi kerek edi.

Alaıda chehııalyq-brazılııalyq jup matchqa shyqpaı qaldy da, Danılına — Krýnıch oınamastan jartylaı fınalǵa joldama aldy.

Anna Danılına — Aleksandra Krýnıch fınalǵa shyǵý úshin dodanyń 2-raketkalary, chehııalyq Katerjına Sınıakova — qytaılyq Chjan Shýaı nemese majarstandyq Tımıa Babosh — kanadalyq Leıla Fernandes juptarynyń qaı jeńgenimen talasady.

Taǵy bir qazaqstandyq, reıtıngide 105-oryndaǵy ıÝlııa Pýtıntseva jekeleı synda ekinshi aınalymda álemniń 15-raketkasy, amerıkalyq Emma Navarroǵa ese jiberdi — 1:6, 4:6. Sóıtip ol shırek fınaldan tys qaldy.

Eske sala keteıik, budan buryn ıÝlııa Pýtıntsevanyń Aýstralııadaǵy jarystyń ekinshi aınalymyna shyqqanyn jazǵan edik. 

Sondaı-aq Aleksandr Shevchenko Aýstralııadaǵy týrnırdiń shırek fınalyna shyqty.