Ankarada Ahmet Baıtursynulyna eskertkish ashyldy
Bul týraly QazAqparat QR Ǵylym jáne bilim mınıstrliginiń Facebook paraqshasyna silteme jasap habarlaıdy.
Atalǵan sharaǵa Qazaqstannyń Túrkııadaǵy Tótenshe jáne Ókiletti Elshisi Erkebulan Sápıev, Etımesgýt mýnıtsıpalıtetiniń ákimi Enver Demırel, Astana qalasy ákiminiń orynbasary Eset Baıken, QR Syrtqy ister mınıstriniń ókili Hasan Badjajy, Ankaradaǵy túrkitildes memleketter Elshilikteriniń ókilderi, TÚRKSOI ókilderi, «YDA» holdıng basqarma tóraǵasy Hýseın Arslan, Qazaqstan mádenıet jáne saýda ortalyǵynyń tóraǵasy Ǵanımet Qaısauly, Qazaqstan mádenıet jáne saýda ortalyǵy tóraǵasynyń orynbasary jáne Dúnıejúzi qazaqtary qaýymdastyǵynyń Túrkııadaǵy ókili Erjan Ýáıis, zııaly qaýym, qazaq dıasporasy jáne BAQ ókilderi qatysty.
Jıynda sóz sóılegen Elshi E.Sápıev Qazaqstannyń Táýelsizdik kúni men Ahmet Baıtursynulynyń 150 jyldyǵyna oraı, Ahmet Baıtursynuly atyndaǵy saıabaq pen eskertkishtiń ashylýyna úles qosqan Etımesgýt mýnıtsıpalıtetiniń tóraǵasy Enver Demırelge jáne qyzmetkerlerine, «YDA» holdıng basqarma tóraǵasy Hýseın Arslanǵa, Astana qalasy ákimdigine alǵysyn bildirdi.
Bıyl ıÝNESKO-nyń sheshimimen Ahmet Baıtursynulynyń 150 jyldyǵy halyqaralyq turǵyda atalyp ótkenin, osy rette Elshilik tarapynan da kóptegen mańyzdy is-sharalardyń ótkizilgenin, Ahmet Baıtursynuly qazaq halqyna ǵana emes, kúlli túrik halyqtaryna ortaq tulǵa ekenin, ol Qazaqstannyń bolashaǵy úshin ǵana emes, túrki áleminiń azattyǵy men táýelsizdigi úshin kúresken tulǵa ekenin baıandady.
Túrkııa Astanasy Ankara qalasynda Alash arysy Ahmet Baıtursynuly parkiniń jáne eskertkishiniń ashylýy baýyrlas qazaq jáne túrik halyqtarynyń mádenı-gýmanıtarlyq qatynastarynyń aldaǵy ýaqytta da turaqty damýynyń kórsetkishi bolyp tabylady.
Foto: www.facebook.com/gylym.jogarybilim
