Ankarada Abaı, Farabı jáne Jambylǵa arnalǵan is-shara ótti
Sharanyń ótýine Qazaqstannyń Túrkııadaǵy Elshiligi, Halyqaralyq Túrki Akademııasy jáne Eýrazııa Jazýshylar Odaǵy muryndyq bolǵan.
Bul jıyn adamzattyń ekinshi ustazy Farabıdiń týǵanyna 1150 jyl jáne Uly oıshyl Abaıdyń týǵanyna 175 jyl tolýyna oraı 2020 jyly bastalǵan eske alý sharalarynyń úılesimdi jalǵasy boldy. 2021 jyly Uly dala aqyndyq dástúriniń kórnekti ókili Jambyl Jabaevtyń týǵanyna 175 jyl tolyp otyrǵany málim, dep habarlaıdy Egemen.kz.
2021 jyldyń búkil Túrki álemi úshin mańyzdy mereıtoılardy atap ótetin jyl bolatynyn eske salǵan Qazaqstannyń Túrkııadaǵy Tótenshe jáne Ókiletti elshisi Abzal Saparbekuly elimizdiń táýelsizdiginiń 30 jyldyq mereıtoıynyń atalyp ótiletinin aıtty. Sondaı-aq Qazaqstan tarıhyndaǵy birqatar mańyzdy oqıǵanyń jyldyqtary men belgili tulǵalardyń mereıtoılarynyń atalyp ótiletinin málimdedi.
Іs-sharada sóz sóılegen Halyqaralyq Túrki Akademııasynyń Prezıdenti Darhan Qydyráli álemdik pandemııaǵa qaramastan, Abaıdyń mereıtoıynyń Túrkııada óte aýqymdy toılanýynyń túrik halqynyń Qazaqstanǵa degen yqylasynyń kórsetkishi bolyp tabylatynyn aıtty. «Ahmet ıAssaýı, Sultan Alparslan, Hajy Bektash Velı, Ahı Evran, Farabı, Abaı jáne Jambyl – bizdiń ortaq qundylyqtarymyz» dep aıtqan ol osy tulǵalar arqyly Túrki áleminiń birligi nyǵaıyp kele jatqanyna nazar aýdardy.
Eýrazııa Jazýshylar Odaǵynyń Tóraǵasy ıAkýp Ómeroǵlý Abaı, Farabı jáne Jambylǵa arnalǵan osy is-shara bolǵan kúni Ankarada danyshpan Tonykóktiń eskertkishiniń ashylýyn jaqsylyqtyń bir nyshany dep jorydy. Ómeroǵlý «Dala ádebıetiniń uly aqyny Jambyl» kitabynyń avtory Myrzataı Joldasbekovtyń óz eńbeginde Orhon eskertkishteri men Jambyldyń aqyndyq dástúri arasyndaǵy sabaqtastyqty pash etkenin málimdedi.
Іs-sharada sóz sóılegen TÚRKSOI Bas Hatshysy Dúısen Qaseınov tek qazaqtar úshin ǵana emes, búkil Túrki álemi úshin mańyzdy qaıratkerler bolyp sanalatyn Abaı, Farabı jáne Jambyldy eske alý jıynyna qatysýdy úlken mártebe dep sıpattady. Qaseınov 2020 Abaı men Farabı jylyna arnalǵan is-sharalar týraly aqparat berdi. Farabıdiń Mýzyka týraly kitabynyń arab tilinen túrik tiline aýdarylyp jatqanyn aıtqan Qaseınov shyǵarmanyń jaqynda oqyrmandarymen qaýyshatynyn jetkizip, súıinshi berdi. Ol TÚRKSOI-dyń 2021 jyly Jambyldyń mereıtoıynyń laıyqty túrde atap ótý úshin bar kúshimen jumys isteıtinin málimdedi.
Saltanatty sózderden keıin Myrzataı Joldasbekovtyń «Dala ádebıetiniń uly aqyny Jambyl» kitabynyń túrikshege aýdarylǵan nusqasynyń tusaýkeseri boldy.
Shara sońynda 2020 jyly Abaı men Farabıdiń Túrkııada tanylýyna úles qosqan ǵalymdar, jýrnalıster men memlekettik qaıratkerler Qazaqstan Prezıdentiniń, Halyqaralyq Túrki akademııasynyń, QR Mádenıet jáne sport mınıstrliginiń jáne Qazaqstan Elshiliginiń alǵys hattary jáne medaldarymen marapattaldy. Atap aıtqanda, «Ulttyq kózqaras» jýrnalynyń bas redaktory, Túrkııa Parlamenti depýtaty Metın Gúndoǵdýǵa, TRT Avaz arnasynyń úılestirýshisi Sedat Saǵyrkaıaǵa jáne Pamýkkale ýnıversıtetiniń professory Nergız Bıraıǵa Qazaqstan Respýblıkasynyń Prezıdenti Qasym-Jomart Toqaevtyń alǵys haty tabystaldy.
