Andreı Zeıts Japonııadaǵy velokópkúndikte top jardy

Qazaqstandyq Astana Qazaqstan Team veloshabandozy Andreı Zeıts Japonııanyń Hıta qalasynda aıaqtalǵan «Týr Kıýsıý» kópkúndiginiń jeńimpazy atandy, dep habarlaıdy QazAqparat tilshisi.

Jarys barysynda velokomanda shabandozdary belsendi qımylymen kózge tústi. Ózge áriptesterimen básekege túsip, máre syzyǵyn birinshi bolyp qııýǵa kúsh saldy. Nátıjesinde Andreı Zeıts jarysta jeńimpaz atansa, ekinshi orynǵa qazaqstandyq komandanyń taǵy bir múshesi Antonıo Nıbalı qol jetkizdi.

Atalǵan týr bıyl alǵash ret ótkizilip otyr. Jarys Japonııanyń Kıýsıý aralynda uıymdastyrylady.

Aleksandr Zeıts 1986 jyly Pavlodar qalasynda dúnıege kelgen. 2008 jyldan beri Astana Qazaqstan Team komandasy quramynda oıyn kórsetip keledi.

Eske salsaq, budan buryn shossedegi velosporttan Azııa chempıonaty baǵdarlamasynyń fınaldyq kezeńinde Qazaqstan quramasy eki medal jeńip aldy.

Erler arasyndaǵy toptyq jarysta qazaqstandyq Gleb Brýsenskıı jeńiske jetip, altyn medal aldy.