Andreı Shýtov «Barys» komandasy quramynan ketti
ASTANA. KAZINFORM - Qazaqstandyq qaqpashy Andreı Shýtov elordalyq «Barys» komandasy quramynan ketti. Bul jóninde komandanyń baspasóz qyzmeti málim etti.
Qaqpashy «Barys» júıesinde úsh jyldan astam ýaqyt ótkizdi. Ótken maýsymda ol Qurlyqtyq hokkeı lıgasynyń turaqty chempıonatynda barlyǵy 2000 mınýt oıyn ótkizdi. Ortasha eseppen árbir oıynda 2,74 shaıbany qaqpasyna jiberdi.
Andreı Shýtov 1998 jyly 4 naýryzda Óskemen qalasynda dúnıege kelgen.
Ulttyq qurama sapynda 2021 jyldan beri oıyn kórsetip keledi. 2024 jylǵy álem chempıonatynda ulttyq qurama sapyndaǵy úzdik úsh hokkeıshiniń biri boldy.
Aıta ketsek, «Barys» Astana qalasynda 14-18 tamyz aralyǵynda shaıbaly hokkeıden Qazaqstan Prezıdenti kýbogy týrnırine qatysady.
Bıyl on úshinshi márte jalaýyn kóteretin týrnırge elordalyq komandadan ózge Reseıdiń «Lada» (Tolıattı), «Amýr», (Habarovsk) klýbtary keledi.
Sondaı-aq onda olımpıadalyq irikteýdiń fınaldyq kezeńine qatysý úshin elimizdiń ulttyq quramasy baq synaıdy.
