Andreı Lýkın dinı ekstremızmmen kúres sharalaryn usyndy

NUR-SULTAN. QazAqparat – Radıkaldaný ásirese qylmystyq-atqarý júıesine tónetin qaterlerdiń biri. Bul jaıynda búgin Senattyń jalpy otyrysynda QR Úkimet basshysyna saýal joldaǵan depýtat Andreı Lýkın aıtty, dep habarlaıdy QazAqparat tilshisi.

«Radıkaldaný Qazaqstannyń ulttyq qaýipsizdigine, ásirese qylmystyq-atqarý júıesine tónetin qaterlerdiń biri bolyp tabylatynyn umytpaǵan jón. Osy jyldyń 1 qańtaryndaǵy jaǵdaı boıynsha jalpy elimizde qylmystyq-atqarý júıesinde dinı jáne terrorıstik uıymdardyń 500-den astam kóshbasshylary men qatysýshylary bar ekeni este bolsyn», - dedi senator.

Depýtat dereginshe, QAJ-daǵy bas bostandyǵynan aıyrýdy óteýge arnalǵan 64 mekemeniń tek 9-ynda ǵana kamera bar. Onda elimizdegi sottalǵandardyń jalpy sanynyń 18,3 paıyzy otyr. Jumys istep turǵan mekemeler negizinen ótken ǵasyrdyń 30-70-shi jyldarynda baraq túrindegi salynǵan ǵımarattar men qurylystar bolyp tabylady. Osy rette Andreı Lýkın eger bir baraqta túrme sýbmádenıeti men qylmystyq ortanyń búkil protsesin joqqa shyǵaratyn 100-ge jýyq sottalǵan adam bolsa, onda mundaı jaǵdaıda tárbıe jumysy týraly aıtý múmkin emes dep sanaıdy.

«Memleket basshysynyń tapsyrmasyn sapaly oryndaý maqsatynda, eń aldymen radıkaldy kózqarastaǵy sottalǵan adamdardy kamerada ustaýdy qamtamasyz etý úshin jumys istep turǵan mekemelerge qaıta jańartý júrgizý, óltirmeıtin qarýmen jáne arnaıy quraldarmen, onyń ishinde radıobaılanys quraldarymen, tehnıkalyq kúzet quraldarymen, uıaly baılanysty buǵattaý júıelerimen tolyq jaraqtandyrý arqyly túzeý mekemelerindegi kúzettiń tıimdiligi men qaýipsizdik deńgeıin arttyrý usynylyp otyr», - dedi Andreı Lýkın.

Sonymen qatar, depýtat tekserý qural-jabdyqtarymen jabdyqtaý arqyly sottalýshylardyń uıaly telefondardy zańsyz paıdalanýyna baqylaýdy kúsheıtý máselesin pysyqtaýdy usyndy.