Andreı Golýbev Shvetsııadaǵy týrnırdiń fınalyna joldama aldy

Qazaqstandyq Andreı Golýbev juptyq synda Stokgolm (Shvetsııa) ATP 250 týrnıriniń fınalyna joldama aldy, dep habarlaıdy Kazinform. 

A.Golýbev ýkraınalyq Denıs Molchanovpen birge jartylaı fınalda jarystyń 4-raketkalary, amerıkalyq Robert Galloýeı – frantsııalyq Albano Olıvettımen kezdesti.

Qazaqstandyq-ýkraınalyq jup 7:5, 6:2 esebimen jeńiske jetti. Bir saǵattan astam ýaqytqa sozylǵan match barysynda olar 2 eıs jasap, 3 breık-poıntty túgel paıdalandy. Amerıkalyq-frantsııalyq dýet 6 eıs jasaǵanymen, breıkke qol jetkize alǵan joq.

Andreı Golýbev pen Denıs Molchanovtyń sońǵy básekedegi qarsylastary keıin anyqtalady.

Eske sala keteıik, budan buryn Aleksandr Býblıktiń Belgııadaǵy jarystyń jartylaı fınalyna ótkenin jazǵan bolatynbyz.