Andreı Ferapontov «Oqjetpes» komandasy bas bapkeri qyzmetinen ketti

ASTANA. KAZINFORM — Komanda bas bapkerdiń qyzmetten ketýin otbasylyq jaǵdaıǵa baılanystyrdy. 

— Andreı Svıatoslavovıchke klýbymyzǵa qosqan úlken eńbegi, kásibıligi jáne adaldyǵy úshin sheksiz alǵys aıtamyz. Klýbta ótkizgen ýaqytynda ol aıtarlyqtaı jumystar atqardy. «Oqjetpes» komandasynyń jetistiktigine eleýli úles qosty. Biz oǵan jáne onyń otbasyna densaýlyq, baqyt jáne bolashaq isterine sáttilik tileımiz, — dep jazylǵan habarlamada.

Andreı Ferapontov bıyl kókshetaýlyq klýbtyń Premer-lıgaǵa qaıta oralýyna úlken eńbek sińirdi. Qazir komanda on tórt oıynnan keıin 21 upaımen altynshy orynda keledi.

«Oqjetpestiń» jańa bas bapkeri jaqyn ýaqytta belgili bolady.

Eske salsaq, budan buryn Nurken Qaldybekuly Mazbaev «Ulytaý» fýtbol klýbynyń bas bapkeri bolyp taǵaıyndaldy. 

Al Ivan Gennadevıch Azovskıı «Ulytaý» fýtbol klýbyndaǵy qyzmetin resmı túrde aıaqtady.

2025 jylǵy maýsymda Ivan Azovskıı baptaǵan komanda Premer-lıgada 15 match ótkizip, 3 jeńiske jetti, 3 teń oıyn kórsetti.