Amsterdam qalasynda qazaq mádenıetiniń kórmesi ashyldy
ALMATY. KAZINFORM — Nıderland eliniń astanasynda Almaty qalasy mýzeıler birlestiginiń «Dástúr sabaqtastyǵy: ata-baba murasy» atty kórmesi ashyldy. Bul týraly Almaty qalasy ákimdiginiń resmı saıty jarııalady.
Almaty ákimdiginiń málimetinshe, 5 taqyryptyq bólimnen turatyn ekspozıtsııada 70-ten astam biregeı jádiger usynylǵan. Olardyń qatarynda qazaq halqynyń turmys-tirshiligi men dástúrlerinen syr shertetin etnografııalyq artefaktiler, sándik-qoldanbaly óner týyndylary, sondaı-aq qazaq jáne túrki halyqtarynyń mýzykalyq aspaptary bar.
— Bul qazaq halqynyń baı mádenı murasyn pash etetin mańyzdy mádenı oqıǵa. ıÝnýs Emre ınstıtýtyndaǵy bul kórme 2025 jyly 14 qarashaǵa deıin jalǵasady, — dep habarlady ákimdikten.
Kórme Almaty qalasy ákimdiginiń, Qazaqstan Respýblıkasynyń Nıderland Koroldigindegi Elshiliginiń, Túrkııa Respýblıkasynyń Nıderland Koroldigindegi Elshiliginiń jáne ıÝnýs Emre ınstıtýtynyń qoldaýymen uıymdastyryldy.
Eske salaıyq, buǵan deıin Italııada Abaı Qunanbaıulynyń bıýsti ashyldy.