Ámir Omarhanov Týnıstegi týrnırde chempıondyq ataq úshin talasady

ASTANA. KAZINFORM – Qazaqstandyq tennısshi, álemniń 757-raketkasy, 18 jastaǵy Ámir Omarhanov Monastır (Týnıs) ITF M15 týrnıriniń fınalyna shyqty.

Qazaqstandyq tennısshi jartylaı fınalda álemdik reıtıngide 857-orynda turǵan 27 jastaǵy germanııalyq Lýka Vıdenmanmen synǵa tústi.

Birinshi partııada Ámir 6:4 esebimen basym tústi. Ekinshi sette de tájirıbeli qarsylasyn tyqsyra bildi – 6:1.

Ámir Omarhanov fınalda reıtıngide 910-satydaǵy jańazelandııalyq Anton Sheppen chempıondyq ataqty sarapqa salady. Ol jartylaı fınalda álemniń 449-ynshy, osy jarystyń 1-raketkasy, slovakııalyq Mılosh Karolmen kezdesti. Esep 5:4 bolyp, A.Shepp jeńip jatqan sátte slovakııalyq tennısshi matchty jalǵastyrýdan bas tartty. 

Eske sala keteıik, budan buryn Elena Danılınanyń ekinshi ret Indıan-Ýells týrnıriniń fınalyna shyqqanyn jazǵan bolatynbyz.

Sondaı-aq Elena Rybakına TOP-10-ǵa kiretin tennısshilermen bolǵan kezdesýde qatarynan 12 matchta jeńiske jetti.