Ámir Omarhanov alǵash ret Ýımbldon týrnıriniń jartylaı fınalyna joldama aldy

ASTANA. KAZINFORM – Ámir Omarhanov jasóspirimder arasynda juptyq synda Ýımbldon týrnıriniń jartylaı fınalyna shyqty. 

Qazaqstandyq tennısshi reseılik Egor Pleshıvtsevpen birge shırek fınalda ońtústikamerıkalyq Konnor Doıg – úndistandyq Krısh Tıadjımen kezdesti.

Birinshi partııany qazaqstandyq-reseılik dýet breıkpen aıaqtady – 6:4. Olar ekinshi sette de 4:2 esebimen alǵa shyqqanymen, ońtústikamerıkalyq-úndistandyq jup tarazy basyn teńestirdi. Taı-breıkte Ámir men Egor jeńisti julyp aldy – 7:6 (10:8).

Match 1 saǵat 24 mınýtqa sozyldy. 

Osylaısha, Ámir Omarhanov sporttyq jolynda alǵash ret Ýımbldon jarysynyń jartylaı fınalyna joldama aldy.

Ótken jyly Ámir Rolan Garros týrnırinde reseılik Tımofeı Derepaskomen birge jartylaı fınalda óner kórsetken edi. 

Á.Omarhanov – Qazaqstan tennısi tarıhynda jasóspirimder arasynda osyndaı tabysqa jetken úshinshi sportshy. 

1997 jyly Irına Selıýtına zımbabvelik Kara Blekpen birge Frantsııa ashyq chempıonaty men Ýımbldonda úzdik shyqqan edi. Sondaı-aq Ámına Rahym 2005 jyly Rolan Garrostyń fınalyna, AQSh chempıonatynyń jartylaı fınalyna deıin jetti. Bir jyldan keıin Aýstralııa birinshiliginiń jartylaı fınalynda oınady.

Eske sala keteıik, budan buryn Ámir Omarhanovtyń juptyq synda Ýımbldon týrnıriniń shırek fınalyna shyqqanyn jazǵan edik.